Ríkisvæðing bankanna er staðreynd.

Ríkið er að verða eigandi að fullu eða hluta til í öllum bönkum og sparisjóðum landsins. Ríkið verður að hluta til eigandi MP banka í gegnum Byr sparisjóðinn og verður þá annar stærsti eigandinn.

Nú í dag á ríkið að hluta til eða öllu leiti, flest fyrirtæki landsins í gegnum bankanna.

Er ekki kominn tími til að gera 5 ára áætlun eins og gert var í ráðstjórnarríkjunum hér áður fyrr? ; )

Ríkið vill eignast Byr

Trúverðugleiki formannsins hefur laskast eftir birtingu DV greinanna undanfarnar vikur.

Ég vona að formanninum takist að hreinsa sig af þessum ásökunum sem koma fram í skrifum DV undanfarnar vikur. Á meðan hann gerir ekki hreint fyrir sínum dyrum þá tel ég það nauðsynlegt að hann segi af sér tímabundið sem formaður flokksins og leyfi varaformanni að takast á við verkefni líðandi stundar. Það er ekki heppilegt að formaðurinn sé á erlendri grundu að tala máli íslensku þjóðarinnar þegar vafi leikur á að hlutdeild hans í hruninu sé með öllu óaðfinnanleg.

Ég tel að það sé rétt að Sjálfstæðisflokkurinn hugsi sinn gang núna þegar líða fer að sveitastjórnarkosningum og beiti sér fyrir því að gera hreint í sínum ranni. Sjálfstæðisflokkurinn er aðeins stjórnmálaflokkur og er hann aldrei betri en þeir menn sem stjórna honum hverju sinni. Mér er annt um flokkinn og hef stutt hann með hléum frá því að ég fékk kosningarétt. Ég hef alltaf fylgt þeirri forystu sem stuðlar að heiðarlegri og réttsýnni stefnu og án þess að misnota stöðu sína og mátt.

Það er svo áríðandi að stjórnmálamaður sé ekki með óuppgert vandamál sem gæti stangast á við hagsmuni heildarinnar og verið þar af leiðandi verið í þeirri stöðu að sitja báðu megin við borðið.

Átti fund með dönskum ráðherra

Skráning á markaði er leið til niðurfellingu skuldar með velþóknun almennings.

Hver á Arion banka? Eigandinn er að taka á sig mikið tap vegna afskrifta stóran hluta útlána.

Er þetta raunverulegt tap? Nei það held ég ekki, því ég tel að tapið sé núþegar orðið að raunveruleika með brunaútsölu stóru bankanna á verðlausum skuldabréfum á gömlu bankanna. Verð á kröfum stóru bankanna (lánadrottnanna) fór niður í 1 til 5% af nafnverði. Þeir sem keyptu þessi bréf eru nú eigendur Arion banka. Þetta gerir nýju eigendunum kleyft að afskrifa stóran hluta af kröfunum án þess að verða fyrir tjóni en aðvitað lækkað verðmæti eignarinnar sem er í eignasafni Arion banka.

Stóra spurningin er: Hver er eigandi Arion banka? Er það þeir sem gætu hagnast á því að skuldir fyrirtækja verði afskrifaðar? Af hverju er ekki gefið upp hver er eigandi Arion banka? Það eru lög í landinu sem kveða á um að allir eigendur séu þekktir.

Á meðan þetta er svona þá er ekki "nýtt Ísland" í fæðingu eins og vonast var eftir. Er spillingin orðin óyfirstíganleg hindrun?

Óvissu um framtíð Haga eytt

Fiskneysla er mögulegur þáttur í góðum námsárangri.

Til Hamingju Andri Jónsson. Þetta er frábær árangur hjá þér.

Bolvíkingur dúxaði í atvinnuflugmannsnámi

Jóhanna! Í dag ertu drottning drauma minna.

Minn draumur er að Ísland gangi inn í ESB sem fyrst. Þessi frétt er jákvæðasta fréttin eftir hrun. Jóhanna þú ert að lyfta Grettistaki í þessum málum. Tími Íslands í ESB mun koma!

Ræða aðild Íslands í febrúar

Hann Geirharður var ekki ábyrgur fyrir þessu lygavef stjórnvalda. Það var Björgvin viðskiptaráðherra.

Það er með eindæmum hvernig almúgurinn veður uppi og vænir stjórnvöld um lygar. Það rétta í þessu öllu saman er að stjórnvöld höfðu ekki grænan grun um ástandið og kom það jafn flatt upp á þá eins og það kom flatt upp á okkur hin.

Þetta sýnir okkar svo ekki verði um villst að það var engin stjórn á nokkrum sköpuðum hlut hjá þessari ríkisstjórn. Stjórnin vissi ekki neitt og Björgvin heiðraði Landsbankamenn fyrir frágang á ársskýslu bankans aðeins 20 dögum fyrir hrunið.

FME fullnægði eftirlitsskyldu sinni með því að skoða bókhald bankanna sem útbúið var af endurskoðunarskrifstofum. Þeir gerðu þolpróf 26 dögum fyrir hrunið. Hvað var það sem þeim yfirsást í "bókhaldinu"? Að "goodwillið" var 2/3 af eignasafninu?

Þessi aðferð bankanna er vel kunn frá fyrri tímu. Á síldarárunum þá var síldin veðsett fyrir rekstrarlánum hjá ríkisbönkunum. Síldarkóngarnir tóku á leigu skemmur og stöfluðu tómum síldartunnum innst og yrst hlóðu þeir fullum tunnum og gengu þannig frá stæðunum að ekki komst nokkur eftirlitsmaður inn fyrir til að kanna innihald þeirra sem staflað var fyrir innan þær fullu.

Það sem verst er í þessu öllu saman er að Seðlabanki Íslands var óspar á lán til gömlu bankanna án ábyrgðar svo að segja má að ríkisstjórnin hafi verið í sömu stöðu og Bresku og Hollensku seðlabankarnir hvað snertir vitneskju um hina raunverulegu stöðu bankanna. Líklegast hefur Seðlabanki Íslands verið með bankastjórn sem ekki hafði yfirsýn yfir stöðuna vegna kunnáttuleysis og ekki síst reynsluleysis og þar af leiðandi stórhættuleg fyrir viðskiptavini gömlu bankanna sem töpuðu flestir 2/3 hluta þess fjármagns sem var á innlánsreikningum og lánakröfur sem hvíldu á þeim.

Segir íslensk stjórnvöld hafa logið

Hvenær á að ganga frá þessu máli á réttan hátt? Eignasafnið til Breta og Hollendinga strax.

Það er kominn tími til að afhenda Bretum og Hollendingum eignasafn Landsbankans og þó fyrr hefði verið.

Þetta mál er að kosta okkur stórfé í vexti vegna seinagangs með að afhenda eignasafnið til Breta og Hollendinga.

Dómstólaleiðin varhugaverð

Allt eignasafn Landsbankans á að fara strax til Breta og Hollendinga.

Það er lífsspursmál að fá eignasafnið afhent Bretum og Hollendingum strax í dag. Það sem kemur út úr rannsóknarnefndarskýrslunni er aukaatriði í þessu máli. Ríkið er búið að ábyrgjast allar innistæður á íslenskum bankareikningum hér innanlands. Það er kominn tími til að afhenda eignasafn Landsbankans strax til Breta og Hollendinga og losa íslenska ríkið þar af leiðandi við óyfirstíganlegar vaxtabyrgðar.

Það þarf að gera upp restina á þessu Icesavemáli sem verður um 320 milljónir (64 milljarðar isk) með láni frá Norðurlöndunum sem eru á mun hagstæðari kjörum en samið var um við Breta og Hollendinga í apríl síðastliðnum.

Erfið samningsstaða

Eignasafn Landsbankans dugar fyrir 90% af kröfu Hollendinga og Breta.

Til hvers að fá rándýra "málamiðlara" frá Kanada þegar lausnin er á borðinu? Eignasafn Landsbankans dugar fyrir 90% af skuldinni og ég spyr hvað er vandamálið? Afhendum Bretum og Hollendingum eignasafnið og gerum samning um það sem upp á vantar, það er að segja þær 320 milljónir punda. Með þessu erum við að leysa "vandamál" sem hefur verið í hausnum á ríkisstjórninni og stjórnaminnihlutanum nánast í 18 mánuði.

Þetta mál er hægt að leysa á örskömmum tíma með því að afhenda eignasafnið Hollendingum og Bretum strax. Ef það eru vankantar á því að afhenda safnið vegna laga sem hamla þeim gjörningi þá eru hæg heimatökin að setja neyðarlög sem lúta að því að eignasafnið verði tekið af þrotabúi landsbankans og afhent þeim.

Neyðarlög eiga rétt á sér vegna stöðu okkar fjárhagslega og óvissu um framtíð okkar. Slík neyðarlög munu halda á sama hátt og neyðarlögin í Október 2008.

Kröfurnar verði stórlækkaðar

Afhendum Bretum og Hollendingum eignasafn Landsbankans strax í dag.

Það er ekki eftir neinu að bíða. Eignasafn Landsbankans í hendur Breta og Hollendinga og gerum síðan upp það sem vantar upp á. Skilanefndin segir að það sé 90% af kröfunni. Bretar og Hollendingar hafa greitt þetta til innistæðueigenda og ber þeim með réttu að fá afhent eignasafnið til sinna ráðstöfunar.

Íslendingar geta greitt mismuninn með láni frá Norðurlöndunum.

Þetta er eintóm vitleysa og gerir samskipti ríkjanna styrðari en nauðsyn er.

Að lokum: Afhendið eignasafnið strax í dag og greiðið mismuninn.

Bjartsýnir eftir fund í Haag