Nýja Ísland í fæðingu? "Gengistryggð lán" óverðtryggð?

Það virðist vera komin upp undarleg staða í verðtryggingu lána. Ef þessi niðurstaða stendur óhögguð þá eru "gengistryggð lán" óverðtryggð.

Hvað verður um þessar kröfur bankanna og fjármögnunarfyrirtækjanna? Eru þær hálfvirði í dag miðað við gengi?

Því er haldið fram að þessi lán séu í íslenskum krónum en ekki í gjaldeyri og að engin gjaldeyrislán bankanna erlendis frá séu á bak við þetta. Þetta þýðir þá ólögleg verðtrygging.

Ekki heimilt að gengistryggja

Munu skilanefndir krefja frambjóðendur um endurgreiðslu styrkja?

Það er mikið rætt um hugsanlega endurkröfu skilanefnda á styrkjum til frambjóðenda í tveimur síðustu prófkjörunum. Það er stuðst við þá staðreynd að þetta sé undanskot eigna bankanna til frambjóðenda. Kröfuhafar eiga rétt á þessum fjármunum að talið er. Ef þetta er tilfellið þá er það alvarlegt fyrir frambjóðendurna sem "skulda" þessar kröfur.

Það verður spennandi að fylgjast með þróunn þessa máls.

Ég legg til að samkynhneigðir stofni eigið trúfélag.

Ég legg til að samkynhneigðir stofni sitt eigið trúfélag og þá geta þeir gifst hvor öðrum án aðkomu þjóðkirkjunar.

Mér skilst að það sé að opnast gáttir hjá KROSSINUM til frekari samstarfs við samkynhneigða og vonandi er það vísir að frelsi til hjónabands þessa minnihlutahóps.

Með því að stofna sinn eigin trúsöfnuð þá er ekkert í veginum að gefa saman fólk af sama kyni.

Tóku ekki afstöðu

Stöndum vörð um forseta vorn. Hann er sameiningartákn og hornsteinn.

Stöndum vörð um forseta vorn. Forsetinn er í stakk búinn til að kynna Ísland fyrir umheiminum án blekkinga og lyga um annað en það sem staðareynd er um.

Forsetinn er að skapa okkur verðmæti í formi upplýsinga um Ísland sem hefði kostað okkur hundruði milljarða ef auglýst væri fyrir sama tíma og hann hefur fengið í umfjölluninni í helstu miðlum heims.

Forsetinn sniðgekk tilmæli

Forsetinn talar í áheyrn 40 milljóna manna.

Forsetinn er að tala til 40 milljónir manna í Bandaríkjunum í heilar 9 mínutur. Þessi auglýsing ef auglýsing væri hefði kostað milljarða.

Forsetinn er að ræða við sjónvarpsfréttamann á besta útsendingartíma sjónvarpsins frítt.

Hann talar um staðreyndir sem allir ættu að vera kunnugt um ef þeir huga að heimsókn til Íslands. Þó svo ekki verði úr heimsóknum í ár þá er þetta auglýsing sem mun lifa í huga fólksins um ókomin ár.

Ég styð forsetann í þessu og tel að hann eigi að vera sem oftast í sjónvarpinu og auglýsa okkur á þann hátt sem hann gerir í dag.

Dýrkeypt yfirlýsing forsetans

Jón Ásgeir verður prímus mótor í uppbyggingunni framundan.

Við verðum að leggja allan ágreining til hliðar um hver sé sökudólgurinn í þessu hruni núna og einbeita okkur að uppbyggingunni. Það er nauðsynlegt að hafa sem mesta þekkingu í hinum erlenda fjármálaheimi til að finna leiðir til að vinna okkur út úr þessu hruni.

Ég hef alltaf talið að Jón Ásgeir hafi verið sá eini í útrásinni sem rak fyrirtækin með hagnaði af daglegum rekstri en ekki byggt upp "hagnað" með flugeldasýningu á verðbréfamarkaði eins og hinir voru iðnir við.

Ég spái því að Jón Ásgeir muni gera íslensku þjóðinni mikið gagn með því að beita þekkingu sinni í okkar þágu.

Missti iðulega sjónar á góðum gildum

Köllum hraunið "Litla Hraun"

Það er ekki fjarri lagi að kalla nýja hraunið Litla Hraun þar sem það er afar lítið og lögreglan hefur átt í stöðugum samskiptum við gesti sem koma á hraunið í heimsókn þó reyndar í mislangar heimsóknir.

Sem sagt: Litla Hraun.

Hraunið þekur 1,3 ferkílómetra

Komumst við af án lánsins? Ef svo er þá er það frábært.

Það væri vel athugandi að kanna hvort við getum komist út úr þessari kreppu án lánsins frá AGS. Ef svo er þá eru minni skuldir að borga af.

Við höfum komist af hingað til. Gylfi segir að það sé hugsandi að við getum komist af án lánsins.

Íslandslán ekki á dagskrá AGS

Stærsta "útigrill" í heimi?

Vonandi ekki. Það er ekki hægt að sporna við heimsku fólks. Danskt máltæki hljóðar svo:

Dumhed maa Guderne kæmpe forgæves!

Fólk gengur á dúandi hrauninu

Valdníðsla?

Hvað er valdníðsla? Ráðherra er að fara framúr sér í stjórnsýslunni og gleymir þeirri staðreynd að í dag er 6. Apríl 2010. Ráðherra er líklegast að opinbera kunnáttu- og reynsluleysi sitt við stjórn á ráðuneyti sínu. Svo er VG að halda því fram að þeirra flokkur sé óspilltur með öllu. Grunur minn er sá að ráðherra sé að undirbúa brottrekstur forstjóra Sjúkratrygginga Íslands og skipa Guðrúnu Ágústsdóttir í hans stað. Það er engin launung á því að þær tvær eru miklar vinkonur og gamlir Allaballar sem ekki hafa haft aðstöðu til að verða sér og sínum út um vel launuð embætti.

Ég skora á Samfylkinguna að sporna við svona valdníðslu og beita sér fyrir leiðréttingu á þessu máli.

Vilja fund um fyrirhugaða áminningu