Forsetinn hefur ekki samþykkt þennan nýja samning.

Krafan er: vaxtalausan samning við Breta og Hollendinga. Ekkert annað kemur til greina.

Innlánsreikningseigendur í Hollandi og Bretlandi eiga ekki kröfu á vexti á biðtímanum frekar en ríkið. Krafa Hollendinga og Breta er að fá greidda lámarksupphæðina 20.300€. Þetta er samkvæmt ábyrgð tryggingasjóð en ekkert er minnst á vaxtagreiðslur á biðtímanum. Eina sem stendur upp úr er lámarksupphæðin. Ef eignasafn LÍ er minna en 20300€ per reikning þá ber ríkinu (sumir halda því frama að það sé ekki) að greiða mismuninn en enga vexti.

Ef þessi samningur verður samþykktur þá erum við að taka á okkur 50 milljarða kostnað sem ekki er hægt að réttlæta á nokkurn hátt.

Samningur við Breta og Hollendinga á að hljóða upp á loforð um greiðslu þeirrar fjárhæðar sem upp á vantar og ekki krónu meir. Vextir eru því ekki inn í myndinni.

Úrslitaatriði að fá Buchheit að borðinu

Er Ísland gjaldþrota í raun? Hvað er mikið óupplýst enn?

Hér segir orðrétt: Morgunblaðið hefur heimildir fyrir því að Seðlabankinn hafi neitað að taka við skuldabréfinu í þrotabú Spron í endurhverfum viðskiptum við Arion og því hafi fjármálaráðuneytið neyðst til þess að láta bankann fá veðhæf ríkisskuldabréf.

Ríkið ábyrgist Seðlabankann (samanber gjaldþrot Seðlabankans Okt. 08) og þess vegna skiptir ekki máli hvort Ríkissjóður setur inn veðhæf ríkisskuldabréf eða ábyrgist Seðlabankann og þrotabú Sprons. FME tók yfir Spron á sínum tíma og þar með ábyrgðist þrotabú Spron. Ríkið ábyrgist FME. 

 Allt þetta klúður er af völdum vanhæfra embættismanna og endurskoðenda og mun kosta þjóðina hundruði milljarða. 

Þjófur sem stelur læri út í búð er settur inn í mánuð. Hvað eru fjármálalögbrotin virði margra "læra"?  

141 milljarðs skuldbinding íslenska ríkisins utan efnahagsreiknings

Axlar Steingrímur ábyrgð? 98% kjósenda í Icesave kosningunni hafna honum.

Hvað þarf til að menn segi af sér? Þjóðargjaldþrot? Það er kominn tími fyrir Steingrím að segja af sér og láta nýja aðila taka við stjórnartaumunum. Er annað klúður í uppsiglingu sem við vitum ekki um enn?

Það er skýlaus krafa að hann segi af sér strax. Stjórnin fer frá strax í vor og kosning verður óumflýjanleg. Það gengur ekki að halda úti stjórn með 3 flokkum, Samfylkingunni og VG flokksbrotunum tveimur.

Svavar Gestsson nennti ekki þessu lengur og vildi undirskrift frá ríkisstjórninni. Hefur Svavar Gestsson einhvern tímann nennt einhverju?

Fréttaskýring: Landið tekið að rísa þrátt fyrir Icesave

PWC og Landsbankastjórnin borgi vextina af þessari kröfu.

Það er krafa okkar að þessir aðilar borgi þessa vexti. Þeim var kunnugt um stöðuna um áramótin 2007 og 2008. Icesave innistæðunum var safnað á þeim tímapunkti sem PWC var kunnugt um neikvæða stöðu Landsbankans. Þetta er því allt á ábyrgð stjórnenda Landsbankans og PWC.

Gjaldþrotalögin ásamt hlutafélagalögunum kveða á um ábyrgð sjórnenda ef þeir fara ekki fram á gjaldþrotameðferð þegar þeim er kunnugt um neikvæða stöðu félagsins eða í þessu tilfelli eigið fé bankans sé undir lámarki FME.

Verið að deila sársaukanum

Svavar Gestsson er kóngurinn í klúðri. Hann ætti að biðjast afsökunar strax.

Næst dýrasti maður Íslandssögunar?

200 milljörðum hagstæðari

Samninganefndin með umboð frá forsetanum?

Væri ekki ráð að fá grænt ljós hjá forsetanum áður en farið er í víking til London?

Samninganefndin farin til London

Afskriftir ÍLS vegna húsnæðis utan höfuðborgarsvæðið?

Það er alltaf þak á lánum ÍLS og voru lánin aldrei hærri en 18 milljónir af húseign sama hvað hún kostaði umfram þá upphæð. Hvernig getur staðið á því að afskriftir séu svona miklar hjá ÍLS? Er það vegna húsnæðis á landsbyggðinni sem lánað var upp að hámarks láni en markaðsverð langt fyrir neðan þá upphæð? Skýring óskast.

Afskriftir hafa aukist verulega

Samfylkingin axli ábyrgð og skipti út ráðherrum. Losum okkur við dreggjarnar úr hrunstjórninni.

Það er gott að samfylkingin biðst afsökunar á því að hafa siglt þjóðarskútunni í strand. Er ekki hægt að gera enn betur og skipta út ráðherrunum sem voru einnig í hrunstjórninni?

Þeir axla enga ábyrgð og fara með æðstu stjórn landsins eins og ekkert hafi í skorist.

Krafan er burt með gömlu ráðherranna og inn með nýja. Best væri að kjósa aftur strax í vor.

Samfylkingin biðst afsökunar

Gunnar sjö manna maki?

Hver er lámarks fjöldi kærenda sem þarf til að trúarleiðtogi segi af sér embætti? 77? Ef ekkert verður gert í þessu máli þá leggst krossinn af sem trúfélag. Það má ekki reka fyrirtæki eins og Krossinn ehf með umdeildum stjórnanda eins og Gunnar.

Það má ekki líðast að 7 konur komi fram opinberlega og ásaki Gunnar um kynferðisglæp án þess að honum verði vikið úr starfi tímabundið á meðan málið er í rannsókn hjá opinberum aðilum.

Það hlýtur að vera íþyngjandi fyrir barnafjölskyldur að taka virkan þátt í safnaðarstarfinu með þetta mál óútkljáð.

Gunnari verði vikið frá

Skulda- og hlutabréf eru verðlögð á grundvelli verðmæta á bak við þau.

Það er lítill munur á verðmati skulda- og hlutabréfa. Verðmatið byggist á verðmætum (veðum) sem standa að baki þeirra. Verðmæti hlutabréfa eru oftast skráð í Kauphöllinni en skuldbréf í íbúðarhúsnæði eru hvergi skráð en verðmat þeirra byggist á markaðsverði hverju sinni. Þegar markaðsverð fer niður um 50% á tveimur árum þá er verðmæti skuldabréfa nánast 50% af nafnverði.

Lífeyrissjóðirnir HAFA tapað verðmætum vegna hrunsins en eru ekki fyrst nú að tapa þessum verðmætum eins og látið er í veðri vaka hjá sjóðunum.

Eigendur skuldabréfa eru ekki að tapa í dag 174 milljörðum, þeir hafa tapað þeim frá hruninu 2008. Þessi 174 milljarðar útreikningur byggjast á því að það verði ekki farið niður fyrir 110% af verðmæti eigna. Þetta skapar óvissu um framtíðar afskriftir ef markaðurinn hrynur enn lengra niður eins og gert er ráð fyrir í hagspám bankanna. Þá er komin sama stað upp og er nú. Krafan er: aldrei yfir 70% af markaðsverði.

Frumvarp sem er í meðförum Alþingis, svo kallað lyklafrumvarp er frábær leið til að reyna að koma í veg fyrir húsnæðisbólur eins og sú síðasta. Ef bankarnir lána meira en 60% þá aukast líkurnar á því að þeir tapi peningum ef hrun verður.

Íbúðarkaupandinn hefur yfirleitt í upphafi lagt fram útborgun á móti húsnæðisláni. Þetta hlutfall er raunhæft 60/40. Með útborguninni tekur íbúðarkaupandinn áhættu sem hann er tilbúinn að taka. Það þarf að vera sama áhættan hjá lánveitandanum ef eignin fer niður fyrir 60% af kaupverðinu.

Telur kostnaðinn 174 milljarða