Aldrei meiri loðnuveiðar við strendur Íslands. Loðnan er undirstaða fæðu bolfiska.

Hættum allri loðnuveiði til frambúðar. Það er ekki búmannslegt að éta fóður bolfiska og með því eyða upp þorskstofninum sem er undirstaða afkomu okkar á Íslandi.

Loðnuveiði bönnuð í sumar

Athugasemdir

[Sindri Karl Sigurðsson, 5.7.2011 kl. 23:17]

Ef þú kynntir þér málið aðeins betur myndir þú sjá að veiðin hefur oft verið mun meiri. Einnig er fróðlegt að kynna sér hve mikið þorskur þarf að éta af loðnu til að stækka um 1 kg. og bera það kíló verð við verðmæti þeirrar loðnu sem hann þarf til.

Annars er ég sammála því að stilla loðnuveiðum í hóf og takmarka sumarveiði á loðnu.

[Guðlaugur Hermannsson, 5.7.2011 kl. 23:29]

Sæll Sindri.

Loðnuveiðar hafa verið stundaðar við Ísland síðan 1974 eða í nær 40 ár. Hvernig hefur gengið með bolfiskstofnanna síðan þá?

Loðnan hefur verið veidd í miklu magni eða sem svarar til eina milljón tonna á ári. Það væri grunnhyggin manneskja sem héldi því fram að það hefði engin áhrif á afkomu bolfiskstofnanna. Það er nú svo komið að þorskkvótinn er aðeins fjórðungur frá því sem hann var fyrir 1974. Við skulum ekki gleyma því að hér áður fyrr voru veidd í það minnsta 500 þúsund tonn af þorski og á þeim tíma þegar erlendir togarar voru hér við land allt upp í 4 mílur frá landi.

Ég skora á sjávarútvegsráðherra að stoppa alla loðnuveiði til framtíðar vegna ástandsins. Ég tel að við verðum að láta bolfiskstofnanna njóta vafans og hætta öllum loðnuveiðum við Ísland til frambúðar.

Það er samhengi á milli skorts á sandsíli og gengdarlausrar loðnuveiðar í 40 ár. Þorskurinn fer nær landi til að afla sér fæðu úr sandsílisstofninum. Þetta kemur niður á fuglalífinu og viðgangi þeirra.

Krían er að hætta að verpa á Íslandi vegna fæðuskorts og sama er að segja um lundann.

Ég kaupi ekki neinar "vísindarannsóknir" með skilaboðum um að sandsílisskorturinn sé óleyst ráðgáta.

Stöðvum allar loðnuveiðar strax og sjáum hvað gerist í náttúrunni eftir ákveðinn tíma.

Norðmenn stöðvuðu loðnuveiðar í Barentshafinu í nokkur ár og eru þeir að uppskera afraksturs þessara ákvarðanna. Í Barentshafinu eru þeir að afla yfir 600 þúsund tonn af þorski árlega. Það er annað en hér á landi sem er aðeins 130 þúsund tonn.

Danir voru með miklar fiskveiðar í Norðursjónum hér á árum áður en nú er ekki neitt eftir til að veiða. Ástæðan fyrir því er sú að þeir veiddu yfir milljón tonn af sandsíli á ári ásamt miklu magni af síld. Þetta var rányrkja á þeirri stærðargráðu að þeir þurrkuðu út allt kvikt í Norðursjónum á árunum 1985 til 1990. Það eru fiskbræðslur í Danmörk sem gætu afkastað 3 milljón tonna á ári en eru ekki starfandi í dag.

Íslendingar! Lærum af reynslu Dana og tileinkum okkur skynsemi Norðmanna og stöðvum allar loðnuveiðar við Ísland. Það er meira verðmæti í kílói af þorsk en kílói af loðnu.

Étum ekki útsæðið.

[Sindri Karl Sigurðsson, 6.7.2011 kl. 20:14]

Það er margt rétt í því sem þú segir en það vantar ýmislegt inn í þá mynd. Við vorum til dæmis að veiða hvali hér áður fyrr í ekki fjölda sem nam þúsundum stykkja heldur nær tug þúsundum stykkja. Hvalastofnar við Ísland éta meira af loðnu en við veiðum, það er staðreynd.

Það þarf yfir 5 kg. af loðnu til að búa til eitt kíló af óslægðum þorski. Það fæst meira fyrir 5 kg. af loðnu en 1 kg. af óslægðum þorski, þegar allt er reiknað inn í dæmið.

[Guðlaugur Hermannsson, 6.7.2011 kl. 20:17]

Viltu að við lifum á loðnuveiðum eingöngu í framtíðinni? Það er vistkerfið sem við verðum að vernda. Þetta snýst ekki um krónur og aura.