Sandsílastofninn í lægð vegna gengdarlausrar ofveiði á loðnu.

Sansílastofninn er að eyðast upp vegna loðnuveiða okkar. Það er ótrúlegt að mannskeppnan sem búsett er á Íslandi getur ekki komið sjálfri sér í skilning um þá staðreynd að menn éta ekki útsæðið.

Loðnuveiðar hafa verið stundaðar síðan 1974 og hafa leitt af sér rýrnun á bolfiskstofnum í hafinu í kringum landið. Áður en loðnuveiðar hófust 1974 þá voru bolfiskstofnar mun stærri en þeir urðu eftir 1974.

Bolfiskveiðar hafa minnkað ár frá ári og er svo komið að aðeins er leyft að veiða 150.000 tonn af þorski. Á árunum fyrir 1974 þá voru veidd um 500.000 tonn af þorski og engin þörf fyrir veiðitakmörkunum á þeim tímum.

Það er lífsspursmál fyrir þessa þjóð ef hún ætlar að lifa á fiskveiðum í nánustu framtíð að banna loðnuveiðar til frambúðar. Það eru stundaðar loðnuveiðar á hryggningatímanum sem er óskiljanlegt með öllu. Loðnan þarf að fjölga sér til að viðhalda undirstöðufiskstofnum með nægu æti. Nú er svo komið að ætið í sjónum er ekki til skiptanna fyrir fiskistofnanna og fuglastofnanna sem lifa á sandsíli.

Rækjustofninn er einnig horfin eftir gengdarlausa ofveiði. Rækjan var einnig undirstöðufæða þorskstofnsins. Íslendingar stunda ekki sjálfbærar fiskveiðar það er deginum ljósara.

Sjávarútvegs og landbúnaðarráðherra ber ábyrgð á þessu hruni fugla og fiskistofna við landið með því að leyfa yfir höfuð loðnuveiðar. Hann hefur bannað loðnuveiðar í sumar en það dugar ekki til, það þarf að banna loðnuveiðar sértaklega á hryggningatímanum. Þetta þýðir að banna þarf alla loðnuveiðar næstu 10 árin til að koma jafnvægi á lífríkið. Eftir tíu ár er hægt að taka upp viðræður um hvort halda eigi áfram loðnuveiðum. Ég er þess fullviss að loðnuveiðar munu ekki hefjast aftur að tíu árum liðnum vegna þeirrar staðreyndar að fiskistofnar munu stækka upp í fyrri stærðir og ekki verður þörf á kvótaskiptingu eins og í dag.

Þegar loðnan hefur verið veidd á hryggningartímanum þáer hún nánast alltaf staðsett á svæðinu kringum Eldey suður af Reykjanesinu. Á þessu svæði eru stærstu uppeldisstöðvar ýsustofnsins og þegar loðnan er veidd þar þá eru nætur bátanna settar út í stórum radíus og niður á botninn og síðan er nótin lokuð með allt kvikt innan borðs (þar eru ýsuseyðin í gríðarlegu magni) er sogið upp með öflugum dælum. Með þessu eru bátarnir að eyða upp loðnustofninum og ýsuseyðastofninum. Vegna þessara gengdarlausrar veiði er gengið á sandsílisstofninn með ofbeit á hann af öðrum tegundum sem hafa nýtt loðnuna sem aðalfæðu.

Sandsílastofninn enn í lægð

Athugasemdir

[Kristján P. Gudmundsson, 18.7.2011 kl. 06:19]

Góður pistill, Guðlaugur og mér finnst furðu sæta, hve lítið er fjallað um þessi alvarlegu mál. Vonandi lendum við í sömu gryfju og frændur vorir, Danir, sem eru með allt niður um sig í fiskveiðimálum vegna óhóflegrar græðgi.

Með góðri kveðju, KPG.

[Kristján P. Gudmundsson, 18.7.2011 kl. 06:22]

Villa: lendum við>>>>>>>les: lendum við EKKI (!)

Kv., KPG.