Það er verið að gera úlfalda úr mýflugu. Það eru 90% upp í ICESAVE skuldina núþegar.

Hver vegna eru þingmenn að karpa um ICESAVE þegar það liggur fyrir að 90% af skuldinni verði greidd með eignum Landsbankans. Það mun aðeins um 10% af skuldinni standa eftir sem við verðum að greiða. Það gæti hugsanlega verið næg eign í eignasafninu fyrir allri skuldinni.

Eitt helsta vandamál sem Íslendingar eiga við að glíma nú er skortur á hæfum þingmönnum. Af hverju eru þingmenn ekki valdir eftir reynslu og menntun í stað pólitískra vinsælda. Það ætti að stilla upp framboðslistum sem eingöngu væru skipaðir menntuðu fólki og/eða með reynslu í atvinnulífinu. Það þarf líka raunsætt og skynsamt fólk af báðum kynjum sem hafa getu og þekkingu til að setja lög og hafa eftirlit með framkvæmdum embættismanna og ekki síður framkvæmdarvaldinu.

Ég tel að það þurfi að stofna eftirlitsnefnd sem yrði mönnuð af þingmönnum og gæti hún kallað til þingmenn, embættismenn og síðast en ekki síst ráðherra til að rannsaka hgsanleg misferli þessara aðila.

Getur ekki samþykkt Icesave

Athugasemdir

[Rósa Aðalsteinsdóttir, 1.11.2009 kl. 17:49]

Sæll frændi

Sammála því að það þarf að fá fagfólk á þing. Vildi óska þess að ég gæti fengið að velja fólk án flokka. ´

Guð veri með þér

Kær kveðja/Rósa

[Guðlaugur Hermannsson, 1.11.2009 kl. 18:20]

Sæl frænka. Satt er það það þarf fagfólk í flest störf í dag, og af hverju ekki á þing?

Vertu Guði falin kæra frænka.

[Bjarni Kristjánsson, 1.11.2009 kl. 19:14]

Vandamálið er ekki greiðslan á IceSave skuldin sjálfri, heldur allir vextirnir af heildar-upphæðinni (4 milljarðar evra) á tímabilinu 2009-2024.

Ef við gerum ráð fyrir að 90% endurgreiðslan úr Landsbankanum sé rétt mat, þá munu bætast við 1.3 milljarðar evra (240 milljarðar króna) við höfuðstólinn í vexti til 2016, og síðan aðrir 0.4 milljarðar evra (74 milljarðar króna) í vaxtagreiðslur 2016-2024 (sjá þessa færslu með útreikningunum). 

Samtals með 10% greiðslunnni gerir þetta 2.1 milljarð evra (387 milljarða króna) sem ríkissjóður þarf að greiða á átta ára tímabilinu 2016-2024.  Þar sem þessa skuld þarf að greiða í erlendum gjaldeyri, er aðeins hægt að greiða hana með jákvæðum jöfnuði á erlendum viðskiptum. 

Ef það tekst ekki stórauka útflutningstekjurnar eða minnka frekar innflutning (sem bæði er frekar ólíklegt), þá höfum við enga aðra kosti en að taka enn frekari erlend lán á háum vöxtum, sem mun að lokum leiða til þjóðargjaldþrots.

Þetta er ekki úlfaldi úr mýflugu, heldur blákaldur raunveruleikinn.

[Kristinn Pétursson, 1.11.2009 kl. 19:41]

Þú ert algerlega út í mýri í þessari umfjöllun. Vextirnir einir - eru 100 milljónir á dag.

Svo ertu að fjalla um "eftirlit með þingmönnum" -  ertu þá að meina eftirlit með hvort þingmenn fara eftir stjórnarskránni sbr. nýjustu umfjöllun umj sama mál:   www.kristinnp.blog.is

[Guðlaugur Hermannsson, 1.11.2009 kl. 21:55]

Það er rætt um að eignasafnið standi undir 90% af skuldinni. Þegar það er reiknað út er tekið tillit til þess hvenær greiðsla verður innt af hendi fyrir skuldabréfin sem eru í eignasafni Landsbankans.

Það er venja þegar eignasafn er metið að það sé raunvirði þess í dag. Það er fengið með því að reikna út hvað vextir séu á líftímanum sem eftir er til gjalddaga ef bréfin bera ekki vexti og draga það síðan frá höfuðstólnum. Ef bréfin hinsvegar bera vexti þá þá eru þeir ekki reiknaðir inn í núvirðið í dag.

Þann tíma sem greiðsla berst til Breta og Hollendinga frá eignasafninu verður eign þess alltaf 90% af stöðu lánsins.

Ef við greiðum ekki af 10% hlut okkar fyrr enn eftir 2016 þá berum við vexti af 10% upphæðinni en ekki allri upphæðinni eins og hér að ofan er haldið fram. Þetta mun kosta okkur um 150 milljarða krónur út lánstímann sem byggist á vaxtagreiðslum af 10% ásamt fullnaðar greiðslu þessarra 10% hlut okkar. Með því að greiða ekkert af höfuðstól lánsins (okkar hlut 10%) til 2016 erum við að greiða óþarfa vexti sem eru allt of háir.

Kristinn! Eftirlit með þingmönnum, embættismönnum og ráðherrum er vegna þess sem gerðist fyrir hrunið. Embættiemenn í Seðlabanka sem lánuðu án ábyrgða 500 milljarða, FME sem lét Landsbankann fara 50 falt framúr greiðslugetu tryggingasjóðs innistæðueigenda, alþingismenn fyrir að gæta ekki að þessum hættum sem marg oft var varað við af ýmsum erlendum stofnunum.

Við verðum að framfylgja lögum og eftirlitsskyldu okkar þingmanna. Þeir sem brugðust munu verða afhjúpaðir væntanlega fljótlega og látnir gera grein fyrir orsökum hrunsins.

Að lokum, þessi 90% upp í ICESAVE skuldina er samkvæmt fullyrðingum skilanefndar LÍ. Skilanefndir eru yfirleitt varkárar og eru bæði með belti og axlabönd þegar þær meta eignir og er það mat yfirleitt lægra en raunin verður þegar upp er staðið.

[Bjarni Kristjánsson, 2.11.2009 kl. 00:19]

Guðlaugur,

Ef þú raunverulega lest upprunalegu samningana við Breta og Hollendinga frá því í júní (www.island.is), þá sérðu strax að vextirnir eru lagðir sjálfkrafa við höfuðstól lánanna á hverju ári (2.35B pund og 1.33B evrur), þar til þrotabú Landsbankinn greiðir þau niður.

Síðan tekur við ábyrgð íslenska ríkisins við í júní 2016 á þeirri upphæð sem þá er eftir (höfuðstóll + ásafnaðir vextir) sem greiðast skal síðan með 32 jöfnum ársfjórðungsgreiðslum ásamt álögðum vöxtum fyrir hvern ársfjórðung.  Ef miðað við jafnar greiðslur á hverju ári frá Landsbankanum næstu 7 árin, þá verður þessi höfuðstóll sem eftir er árið 2016, nálægt 1.7 milljörðum evra.

Þetta hefur verið reiknað margsinnis opinberlega af fjöldamörgum aðilum (fylgdi meðal annars í báðum frumvörpunum), þannig að það liggur enginn vafi á því að þetta er rétt reiknað út.

Eina leiðin til að lækka að einhverju marki þessa upphæð (1.7B) sem íslenska ríkið mun alltaf bera ábyrgð á, er ef Landsbankinn annaðhvort greiðir út stóran hluta af sínum 90% mjög hratt, eða ef íslenska ríkið einhvern veginn greiðir mikið inn á skuldina fyrirfram.  Hvorugt af þessu er líklegt miðað við núverandi stöðu mála.

Vextirnir sem Landsbankinn getur innheimt af sínum útlánum, koma ábyrgð ríkisins á IceSave samningnum, í raun ekkert við.  Allir innheimtir vextir fara sjálfkrafa inn í þrotabúið og verður síðan skipt upp á milli kröfuhafa eftir lögum um gjaldþrotaskipti. Íslenska ríkið getur heldur ekki krafið þrotabúið um vexti af sínum kröfum, þar sem vextir eru sjálfkrafa ekki forgangskrafa í gjaldþroti.

Jafnvel þó allt færi á besta veg og það fengist 100% upp í forgangskröfur Landsbankans, mundu vaxtagreiðslur af IceSave lánunum alltaf verða að lágmarki 1.5 milljarður evra (270 milljarðar króna), sem íslenska ríkið mun alltaf þurfa að greiða.

Þetta er og hefur alltaf verið stóra vandamálið við IceSave samninginn.  Ef það væri einhvern veginn hægt að fá Breta og Hollendinga til að lækka verulega vaxtagreiðslurnar, þá gæti ég líklega samþykkt samninginn annars að mestu leiti (þó ég verði seint sáttur við hann).

Það er alltaf mikilvægt að skoða svona mál út frá raunverulegum forsendum.  Ég hef þegar skrifað nokkrar færslur um þetta atriði og gefið þar upp nákvæmlega hvernig vaxta-útreikningarnir voru gerðir og hvaða forsendur voru notaðar (eitthvað sem hefur mikið vantað í umræðuna um IceSave).

[Kristinn Pétursson, 2.11.2009 kl. 07:24]

Guðlaugur.

Skammtímaminnið í okkur báðum - hlýtur að muna það - að það lá  pressa á Seðlabankann..."að tak lán til þrautavara"... til að moka í þessa bankahít...  vertu svo ekki að snúa því á hvolf að Seðlabankinn hafi lánað sé í þessa hít..... það var á ábyrgð síðustu ríkisstjórnar Sjálfsæðis/Samfylking 50/50 %... pressan um "lán til þrautavara" var daglegur söngur frá Samfylkingunni..... og meiningin pressa á Seðlabankann að lán meira....!!!! og nú ertu að gangrýna - það sem þú studdir þá..!!! þú minnir skemmtilega á  Ragnar Reykás

"Eftirlitið fyrir hrunið" var á ábyrgð Samfylkingarmannsins Björgvins G Sigurðssonar - sem er  án efa ágætis maður... er samt sá ráðherra sem ber pólitíska ábyrgð á þessu "eftirliti" (Fjármálaeftirliti)  á undan Framsóknarflokknum...

Svo er það kjarni málsins að þetta "eftirlitsleysi" virðist sameiginlegt klúður Fjármálaeftirlita þriggja landa Bretlands/Hollands/Íslands...

þess vegna er sanngjarnt að nýr Icesave samningur taki mið af jafnræðisreglu ... tjóni Icesave málsins verði skipt pr. íbúa Bretland - Holland  - Ísland.... sannir jafnaðarmenn hljóta að vilja jafnræði á þessum skaða.... er það ekki besta lausnin??

[Guðlaugur Hermannsson, 2.11.2009 kl. 08:14]

Seðlabankinn "lánaði" gömlu bönkunum án trygginga. Glitnir bauð Seðlabankanum lánasafn fyrir þeim 75 milljörðum sem þeir þurftu í lok September. Seðlabankinn afþakkaði það en í staðin lánaði Seðlabankinn Kaupþing 65 milljarða án tryggingar.

Engin Seðlabanki í allri veröldinni hefur tapað fé í bankahruni heldur þvert á móti hagnast á veðum frá lántökum. Íslenski Seðlabankinn hefur ekki eitt einasta veð í verðmætum frá gömlu bönkunum. Þetta er algjör andstaða við aðra seðlabanka.

Erlendir seðlabankar veita lán til þrautavara sem eru líka með veð í eignasöfnum lántakenda. Hér á landi eru lán til gömlu bankanna ekki með tryggingu í neinum eignum, ekki einu sinni í innanstokksmunum þeirra.

Þú ert að mæra mig við Samfylkinguna. Hvað er það sem gerir mig svona Samfylkingarsinnaðan í þínum huga? Er það viskan eða skynsemin? Ég upplýsi hérmeð um þá ákvörðun mína að hella mér út í prófkjörsslaginn hjá Sjálfstæðisflokknum nú í vetur til að leggja mitt af mörkum með framlagi mínu til betra samfélags.

Ég er sammála þér með skiptingu Icesave skuldarinnar á þessar þrjár þjóðir. Sannir jafnaðarmenn, Sjálfstðismenn og allir sanngjarnir menn telja þetta bestu lausnina. Vonandi verður sú staða seinna meir.