Samfylkingin og Sjálfstæðisflokkurinn í eina sæng?

Nú eru líkur á að Sjálfstæðisflokkurinn gangi í samstarf við Samfylkinguna og myndi stjórn. Það er ekki fjarri lagi að Sjálfstæðisflokkurinn gefi eftir í ESB umsókninni og samþykki umsókn sem lögð verður fyrir kjósendur í þjóðaratkvæðagreiðslu. Þeir munu lúta niðurstöðu hennar og tryggja sér ítök í stjórnun landsins aftur. Það þarf að taka á þessum málum áður en nýtt hrun skellur á okkur.

Það er mjög mikilvægt að sterk stjórn sé við völd þegar kemur að samningaviðræðum milli Ísland og ESB. Andstæðingar ESB eru ekki þeir heppilegustu til að ná samkomulagi sem við getum unað við. Ég er hlyntur ESB aðild en aðeins á þeim forsendum að hagstæðir samningar náist. Ef ekk nást hagstæðir samning þá er ég ekki Já-maður.

Það eru tvær andstæðar fylkingar starfandi núna á Íslandi. Þessar fylkingar eru Sterkara Ísland (með aðild) og Heimssýn (á móti aðild). Það er eins og það vanti nýja fylkingu sem er þá hægt að kalla "kannski" eða "Sterkari Heimssýn Íslands". Slík fylking hefði á stefnuskrá sinni að ná sem hagstæðustu samningum við ESB. Ég gæti ímyndað mér að slík hreyfing hefði um 80% fylgi á móti 10% fylgi Sterkara Ísland og um 10% fylgi Heimssýnar.

Líkur á að stjórnin springi

Jón Gnarr hafði á stefnuskrá sinni að gera vel við vini sína.

Þetta ætti ekki að koma á óvart hvað varðar hækkun launa varaborgarfulltrúa. Þetta er vel útlistað í stefnuskrá Besta flokksins.

Fimm milljónir í vasa varaborgarfulltrúa

Stjórnarslit og kosningar í haust?

VG og Samfylkingin eru að ganga frá þessu stjórnarsamstarfi endanlega. Ég spái því að stjórnarslit verði og kosningar fari fram í haust.

Þátttaka Jóhönnu í ríkisstjórn Geirs H Haarde gerir hana vanhæfa til þátttöku í þessum umræðum á Alþingi. Hvar eru mörkin þegar ráðherraábyrgð er annars vegar? Er Jóhanna ekki samsek í þessu öllu saman? Ég tel að stefna eigi öllum ráðherrum í þeirri ríkisstjórn fyrir Landsdóm. Siðferðisbrestur Jóhönnu er algjör í þessu máli og að leyfa sér að gagnrýna þingmannanefndina er nánast svívirðilegt.

Mikil reiði innan VG

Pólitísk "flugeldasýning" Samfylkingarinnar?

Hver er tilgangurinn með þessum fundi þar sem aðeins helmingur þingflokksins mætti? Var verið að réttlæta gjörðir Ingibjargar Sólrúnar Gísladóttur? ISG er með stöðu grunaðs í þessu sakamáli. Undir venjulegum kringumstæðum hefði sá grunaði verið úrskurðaður í gæsluvarðhald. Ísland fór á hausinn, Seðlabanki Íslands fór á hausinn, FME var mannað af tómum "hausum".

Viðskipti Íslendinga byggðust á gerfigróða. VÍS var rænt innanfrá eins og Sjóvá og allir bankarnir ásamt sparisjóðunum.

Lungann úr þingheimi er enn mannað fólki sem sat á þingi fyrir hrun. Skemmst er að minnast Þorgerðar Katrínar Gunnarsdóttir sem sagði í viðtali við sjónvarpið sumarið 2008 að þessir erlendu sérfræðingar sem upplýstu almenning um væntanlegt hrun að þeim veitti ekki af endurmenntun.

Bankastjórn Seðlabanka Íslands lánaði út á svokölluð "ástarbréf" meðvitaðir um að það var ekki næg trygging í þeim. Litlu bankarnir sem tóku þátt í þessu öllu saman hugnaðist ekki að tryggja sjálfa sig með því að kaupa tryggingu frá erlendu tryggingafyrirtæki fyrir hugsanlegum vanskilum stóru bankanna. Þessar tryggingar voru ekki dýrar vegna þess að bankarnir voru nánast allir greindir AAA.

Stærsta ábyrgðin á þessu hruni er í reynd Stóru erlendu bankarnir sem lánuðu íslensku bönkunum ótakmarkað fjármagn eins og að enginn morgundagur kæmi.

Aðeins helmingur mætti til fundarins

Málaferli út í það óendanlega. Hæstiréttur er ekki að kveða upp dómsúrskurð.

Það er engu líkara en að Hæstiréttur sé að gefa út málamiðlun frekar en að kveða upp dómsúrskurð.

Gerum ráð fyrir að ekkert hrun hafi átt sér stað og bankarnir hafi ekki tekið stöðu gegn krónunni og þessi gjaldeyrislán hefðu gengið upp á jöfnu og stabílu gengi og vextirnir ekki verið hærri en samið var um upphaflega. Hver hefði niðurstaða Hæstaréttar verið um vexti lánanna þegar úrskurður um ógildingu gengistryggingar þeirra hefði legið fyrir? Sú sama og í dag? Varla. Hvaða málamiðlun hefði Hæstiréttur gefið út?

Hæstiréttur er í raun að gæta hagsmuna lánadrottnanna og gefa út málamiðlun sem kemur hægstæðast út fyrir þjóðfélagið en ekki réttláta niðurstöðu samkvæmt núgildandi lögum, brotaþolannum í vil sem er jú lántakandinn sjálfur.

Dómsvaldið í þessari mynd er ekki samkvæmt stjórnarskránni og er það fyrsta skrefið í að brjóta niður sjálfstæði réttarríkisins. Framkvæmdarvaldið, dómsvaldið og löggjafarvaldið eru að renna í eina sæng með þessum dómi í dag.

Höfða verður nýtt mál

Yfirheyrsla saksóknara Alþingis yfir sakborningnum Ingibjörgu Sólrúnu Gísladóttur?

Það er afar skrítin staða kominn upp í Landsdómsmálinu. Ingibjörg kominn á fund með flokksfélögum sem eiga að ákveða hvort þeir stefni henni fyrir landsdóm. Er ekki verið að gera þetta mál rammpólitískt?

Það verður spennandi að sjá hver niðurstaða Alþingis verður þegar gengið verður til atkvæða um hvort stefna beri ráðherrum "hrunaríkisstjórnarinnar".

Fundað með Ingibjörgu Sólrúnu

Hvað með gengisstyrkinguna síðustu mánuðina?

Menn tala um hækkun á verði hráefnis erlendis og hækka síðan hér heima en gleyma öllu um styrkingu krónur. Krónan hefur styrkst um 20% á síðustu mánuðum. Hækkun á verði er því aðeins nauðsynleg ef erlenda hækkunin er meiri en 20%.

Það er engin samkeppni á þessum markaði og því auðvelt að segja að verð hækki erlendis og þá sé allt í lagi að hækka hér heima.

Verðhækkun á fóðri væntanleg

Jenis av Rana er ekki samkynhneigður að talið sé.

Með því að mæta ekki í kvöldverðinn þá er hann að tryggja sig gegn hugsanlegum misskilningi um kynhneigð sína. Það er aldrei of varlega farið í þessum efnum. Þegar umheimurinn hefur fengið fullkomna vitneskju um kynhneigð hans þá gæti hann látið sjá sig í kvöldverðaboðum sem þessum.

Hér er hugmynd um aðgreiningu á þessum mismunandi hjónaböndu. Samkynhneigðir karlar yrðu þá "hjónar" samkynhneigðar konur yrðu þá "hjónur" og gagnkynhneigt par yrði áfram "hjón".

Jenis ætti að skammast sín

Landeyjarhöfn er "sandfang"

Herjólfur er líklegast ekki rétta skipið í Landeyjarhöfn. Það kæmi þó til greina að útbúa hann með sanddælubúnaði. Líklegast verður lendingin sú að sanddæluskip verður keypt og það staðsett í Landeyjarhöfn og notað eingöngu þar.

Kostnaðurinn í kringum þessa höfn fer líklegast upp úr öllu valdi á komandi árum.

Herjólfur hægði á sér í drullunni

Jarðgöng til Eyja?

Það er ekki hægt að stóla á Landeyjarhöfn. Á Landeyjarsandi er þrálát austanátt og er innsiglingin eins og kúluspil. Ég varð vitni að því þegar Herjólfur kom í Landeyjarhöfn á föstudaginn var þar sem hann sigldi inn í hafnarmynnið nánast skáhalt með stefnuna í norð-austur. Þetta var stórfengleg sjón að sjá. Skipstjórinn í þessari ferð var ekki að sigla skipi í fyrsta sinn það er eitt sem víst er.

Jarðgöng til Eyja er fjarlægur draumur og mun líklegast aldrei verða að veruleika. Ég skil ekki afhverju ekki er notast við Þorlákshöfn þegar austanáttin er alsráðandi í nokkra daga eins og nú. Fólki er sagt að mæta í Landeyjarhöfn samkvæmt áætlun. Ef ekki er farið til Eyja þá er líklegast að sú ferð sé fyrir bí. Það er yfir 260 km fram og til baka og tekur nánast 4 tíma að aka. Þessi ferð kostar 6200 kr með rútu og ef ekki er farið þá er þetta viðbót við heildar ferðakostnað sem mun því verða um 14.400 kr á hvern farþega (með ferjufargjaldi fram og til baka 2000) fyrir utan vinnutap.

Síðasta ferð Herjólfs felld niður