Gylfi úti á túni?

Það er eins og ASÍ hafi ekkert með hag launþegans að gera. Gylfi er ekki með í baráttu hins almenna launþega og skuldara um ásættamlega framtíð fyrir sig og sína.

ASI var með í að aftengja launavísitöluna og treysta á Seðlabankann sem fór á hausinn 2008 um að gæta hagsmuna þeirra og halda verðbólgu innan 2.5%.

Gylfi furðar sig á ummælum

Skilanefnd Glitnis er að eyða milljörðum í vonlaus málaferli í New York.

Skilanefnd Glitnis er eins og góð flugeldasýning. Gaman á meðan á sýningunni stendur en skilur ekkert eftir sig nema útbrunnin flugeldaprik.

Fréttaskýring: „Við verðum að vita með hverjum þú stendur“

Var þetta leikrit útfærsla á "OFFICE" sjónvarpsþáttunum frægu?

Leikritinu lokið segir hagfræðingurinn Þór Saari. Svona leikrit endar aldrei fyrr en þau eru farin frá. Spurningin er þessi: Hvenær fer stjórnin frá?

„Leikritinu er lokið“

Fundir eru ekki lausn vandans en það eru að sjálfsögðu framkvæmdir.

Hvað ætlar flugfreyjan og vörubílsstjórinn að þrjóskast lengi við? Slæm og dýr var "Hrun ríkisstjórnin" en þessi ríkisstjórn er enn verri og sem næst óstarfhæf.

Hvað erum við með langa líflínu? Erum við að missa endan og sökkva á kaf í gjaldþrot?

Ráðherrar funda um skuldavanda

Þetta er hin merkilegasta staða sem Alþingismenn standa frammi fyrir.

Hvað er til ráða? Ég tel að kjósendur verði að taka sig saman og kjósa nýtt fólk á þing með ásættanlegri menntun sem nýtist til faglegra vinnu á Alþingi. 91% kjósenda eru ekki sáttir eða bera ekkert traust til Alþingis. Helmingur þingheims eru "hrunþingmenn" og ætti það að skýra þessa stöðu. Landsdómsmálið er eitt alls herjar klúður og hefur skapað þetta vandtraust.

Þetta er afar alvarleg staða sem þingmenn hafa komið okkur í með getuleysi sínu á löggjafarþinginu. Kjósum strax í haust.

Einungis 9% bera mikið traust til Alþingis

Nornaveiðar Páls Vilhjálmssonar eru ámælisverðar.

Það er afar slæmt þegar mikill bloggari gerir mistök og það án umhugsunar er virðist. Þetta blogg lesa þúsundir lesenda mbl.is

Helgi í nefnd um erlenda fjárfestingu

Það er búið að afskrifa þann hluta lána sem eru yfir 80% af verðmæti eigna.

Bankarnir, Lífeyrissjóðirnir og Íbúðalánasjóður hafa núþegar afskrifað í bókhaldi hvers og eins þann hluta skuldarinnar sem er yfir 80% af verðmæti eða niður í 100% af brunabótamati. Þessi regla er viðhöfð til skekkja ekki fjárhagsstöðu fjármálafyrirtækja.

Spurt er: Hver á að borga þetta ef af niðurfellingu verður? Réttast er að spyrja: Hver á að borga þennan mismun frá raunvirði eigna og í núverandi skuld sem er yfir 80% af raunvirði?

Bankarnir og fjármálafyrirtækin sitja á kröfum sínum þrátt fyrir afskriftir í bókhaldi og með tímanum innleysa þeir eignirnar til sín og bíða með þær þar til húsnæðisverð nær sömu hæðum og fyrir hrun en þá selja þeir þær.

Bankarnir innleysa eignir á uppboði fyrir kröfu upp á 20 milljónir, bjóða 10 milljónir í hana og fá innleyst til sín. Eftir standa aðrar 10 milljónir sem bankinn innheimtir hjá skuldara. Ef bankinn selur eignina á 18 milljónir þá hefur hann hagnast um 8 milljónir. Gerum síðan ráð fyrir að bankanum takist að innheimta þessar 10 milljónir hjá skuldara þá hefur bankinn hagnast um 18 milljónir á Þessum viðskiptum við gömlu bankanna.

Hver er staða skuldara? Hann hefur misst allt sitt og að auki 10 milljónir sem er mismunur á söluverði á uppboði og upprunalegri skuld. Ofan á þetta bætist eigið fé sem skuldarinn lagði í eignina við kaup á henni.

Íbúðalánasjóður og nýju bankarnir hafa keypt lungann úr þessum kröfum á 50% af nafnverði. Þó hefur íbúðalánasjóður ekki keypt mikið af þessum kröfum með afslætti en þeirra verklagsreglur ættu að koma á móti yfirláni fram yfir brunabótamat. Íbúðalánasjóður hefur fylgt þeirri stefnu að lána ekki yfir brunabótamat eignanna og ekki hærra en 18 milljónir á hverja eign.

Svar við þessu öllu saman er: Bankarnir hafa núþegar fengið þennan afslátt á kröfunum en vilja ekki gefa eftir til skuldara. Ef þeir gefa eftir hlutann sem er umfram verðmæti eigna þá eru þeir ekki að tapa fé heldur yfirfæra afsláttinn til skuldara þar sem þörf er á.

Bankarnir líta á 50% afsláttinn sem varasjóð til að mæta tapi ef greiðslufall verður. Með því að lækka skuldir niður í viðráðanlega stöðu miðað við greiðslugetu lántakanda ( fer eftir launum og skuldum skuldara) þá eru bankarnir að tryggja sig gegn meira tjóni en sem nemur 50% af nafnverði.

Mér segist svo hugur að bankarnir ætli að fara fram með græðgi og yfirgang til að ná sem mestum hagnaði fyrir þá sé til skemmri tíma litið. Við höfum séð ársfjórðungslegar afkomutölur frá bönkunum sem sýna mikinn hagnað. Þeir virðast keyra áfram á sömu forsendum og gömlu bankarnir.

Flatur niðurskurður hjálpar ekki þeim verst stöddu

Hjálpum fólki að leita að vinnu erlendis til að skapa sér lífvænlegra líf.

Það er mikil eftirspurn eftir fagfólki í Noregi og Danmörku. Það eru núþegar margir starfandi í Noregi með fjölskylduna enn á Íslandi. Þetta fyrirkomulag er afar íþyngjandi fyrir sveitarfélögin þar sem útsvar og skattar eru greiddir erlendis en þjónusta veitt þessu fólki þrátt fyrir það hér á landi.

Mikill fólksflótti er frá landinu þessar vikurnar og er ekkert lát á. Suð-vestursvæði Noregs er afar vinsælt og hefur verið auðvelt að ferðast á milli fyrir þá einstaklinga sem eiga fjölskyldur á Íslandi.

Það er ekki nóg að gert til að auðvelda atvinnulausum að sækja um starf erlendis. Ég skora á samtök eða góðan hóp fólks sem hefur möguleika á að koma saman og styðja væntanlega umsækjendur í atvinnuleit. Ég er tilbúinn að mæta á stað sem hægt væri að liðsinna um leit að vinnu.

Það er hér með farið þess á leit við fólk að það komi og styðji þetta fólk í þessu þarfa máli. Einnig er óskað eftir aðstöðu og búnaði (skriftofuaðstöðu) hjá velviljuðum aðilum sem geta séð sér fært að liðsinna í þessu verkefni.

Óttast að missa fólk úr landi

Þetta er fyrsta skrefið í átt að uppgjöri í þessum málaflokki.

Það er ekki spurning um hvort heldur hvenær þjóðin fær fiskistofnanna til umráða aftur.

Þjóðaratkvæði um fiskveiðistjórnun

Gott samstarf við Evrópu er fengið með inngöngu í ESB.

Það er gott að vita til þess að Sjálfstæðisflokkurinn er að breyta um stefnu í ESB málum og sjá loksins ljósið í þeim efnum.

Tilvitnun:

Bjarni sagði eftir fundinn: „Mikilvægt var að eiga fund með Cameron og það er nauðsynlegt fyrir okkur Íslendinga að eiga í góðu sambandi við leiðtoga annara þjóða,“ Tilvitnun líkur.

Vafalaust er Bjarni að undirstrika þá nauðsyn að við göngum í ESB og þar af leiðandi verðum sterk þjóð meðal þjóða en ekki varnalaus hópur fólks á afskekktri eyju sem er að tapa sjálfstæði sínu vegna bankahruns.

Ég styð allt jákvætt í þessum efnum og vona að við verðum þeirrar gæfu aðnjótandi að ganga inn í ESB með frábæran samning.

Ræddi Icesave við Cameron