Fáum Norðmenn til að kaupa upp eignasafn Landsbankans.

Við það fæst lán sem hefur raunstöðu og vissu okkar fyrir raunverulegri skuld okkar við Icesave. Segjum sem svo að Norðmenn kaupi þetta eignasafn og meti það á 90%, þá skuldum við aðeins 10% (60-75 milljarða) sem við gætum greitt á 15 árum eins og áætlað var í fyrstu. Það væri um það bil 5 milljarðar á ári að viðbættum vöxtum sem yrðu þá um 4 milljarðar. Þetta yrði þá um 7 milljarða miðað við jafngreiðslu á ári næstu 15 árin. Greitt yrði því samtals um 105 milljarðar.

Þegar menn meta verðmæti eignasafna þá eru gerðir núvirðisútreikningar sem felast í því að eignasafn sem er með skuldabréf upp á 100 kr og greiðist upp með eingreiðslu eftir 10 ár og það ber ekki vexti þá er verðmætið 100 kr mínus vextir í tíu ár. Með þessu móti er hægt að meta þessa eign á kring um 50 kr ef vextir eru 5%.

Fáum okkar bestu samningsmenn til Noregs til að reyna að fá þá til að kaupa upp eignasafnið og greiða Bretum og Hollendingum 90% af Icesaveskuldinni. Þetta er fræðilegur möguleiki sem vert er að kanna strax í dag.

90% upp í forgangskröfur

Athugasemdir

[Júlíus Björnsson, 14.10.2009 kl. 02:31]

Þetta er ein best hugmynd sem ég lesið í langan tíma.

Best hefði verið að bjóða þetta allt upp á alþjóðastjórnmálamörkuðum, USA og Kína og Nígería gætu t.d. boðið í. Allavega til að fá raunhæft mat.  

[Guðlaugur Hermannsson, 14.10.2009 kl. 08:50]

Þetta er líklegast eina raunhæfa fyrir okkur vegna smæðar okkar.