Þessi staða er afleiðing þess að laun og örorkubætur voru ekki vísitölubundnar eins og allt annað.

Þegar vísitölubinding launa var virk þá var tryggt að kaupmáttur var alltaf stöðugur. Í dag eru laun og örorkubætur aðeins helmingur af því sem það var 2007. Þegar gengið hrundi þá hækkaði allt nema laun.

Það má með sanni segja að staða launþega hafi verið á þá lund að árið 2007 að skuldir heimilanna hafi verið í samræmi við 8 tíma vinnudag. Í dag eru skuldirnar enn í samræmi við 8 tíma vinnudag en tekjurnar aðeins 4 tímar á dag.

Gengi krónunar hefur fallið um helming og er evran um 160 kr í dag en var haustið 2007 um 88 kr. Það má því með sanni segja að launin hafi lækkað um helming en verðlag haldist í hendur við gengi evrunar sem er 160 kr.

Það eru margir Íslendingar að flytja út til Noregs vegna atvinnuleysis hér og bágrar lífsafkomu. Ég hef reiknað út að laun sem greidd voru hér heima á árunum 2005 til 2008 í norskum krónum reiknað, séu svipuð og laun greidd í Noregi nú í dag. Verðlag í Noregi er afar hátt og er svipað verðlagi hér.

Það hlýtur að verða krafa launþega að vísitalan verði sett aftur í samband í næstu kjarasamningum.

Svelta sig svo börnin fái mat

Athugasemdir

[GunniS, 5.3.2011 kl. 15:46]

hvernig væri að skora á alþingismenn eða forsætisráðherra að sýna það að þeir geti lifað af atvinnuleysisbótum sem eru útborgaðar 130.000 í 3 til 6 mánuði. 

[Einar (IP-tala skráð) 5.3.2011 kl. 16:06]

Þetta er ótrúlegt.

Síðan horfir maður á allt hækka. Matvörur og aðrar nauðsynjavörur, síðan þegar bensínið, áfengið og tóbakið hækkar í verði, hækka lánin með.

Hvað var þetta langur tími sem verðtryggðu lánin höfðu hækkað vegna bensínhækkana undanfarið um 6 milljarða. Það var ekki langur tími.

Það hækkar allt í verði en launin standa í stað.

Það er búið að leggja lífsskilyrði íslendinga í rúst og lítið sem ekkert er gert í því að hjálpa fólki.

Auðvitað langar mann að vera hér á Íslandi og hjálpa til við enduruppbygginguna,,,, en þegar óhæft fólk er við völd að þá er lítið annað í stöðunni en að flytja erlendis. Það er ekki verandi á þessu landi lengur. Búið að leggja hér allt í rúst.

[Guðlaugur Hermannsson, 5.3.2011 kl. 17:05]

Sæll Guðni. Þeir eru ekki að bjarga almannahagsmunum eins og þeir voru kosnir til að gera.

Einar.

ENn og aftur ef launin hefðu aldrei verið tekin úr sambandi við vísitöluna þá væri ekki hrun hér í dag. Það er verkalýðshreyfingin sem ber ábyrgðina á þessu öllu saman. Hin fræga þjóðarsátt 1992 var ávísun á það sem skeði haustið 2008. Í þjóðarsáttinni var vísitalan tekin úr sambandi og Seðlabank Íslands lofaði að halda verðbólgu í 2.5% að hámarki en reyndin var sú að hún fór aldrei niður fyrir 5%. Seðlabankinn lofaði að gæta hagsmuna launþega en gat ekki einu sinni bjargað sjálfum sér frá gjaldþroti 2008. Þetta er vandamálið ekki hvað bankarnir eru að gera á bak við tjöldin.