Það er aðeins ein ásættanleg niðurstaða og hún er að afhenda Bretum og Hollendingum eignasafn Landsbankans.

Eins og fram hefur komið hjá skilanefnd Landsbankans dekkar verðmæti eignasafnsins nánast Icesave skuldina við Breta og Hollendinga. Er nokkuð í veginum með að afhenda þeim safnið? Ef það eru skortur á heimild þá má alltaf setja ný lög sem dekkar þennan gjörning.

Það sem eftir verður ógreitt má greiða þeim á 15 árum á lámarks vöxtum. Ef svo verður gert þá er Iceland Icesafe en ekki Iceslave eins og nauðasamningarnir frá júní síðastliðnum boðuðu.

Nauðungarsamningar sem fólk eða jafnvel heil þjóð eru þvinguð til að samþykkja eru marklausir með öllu samkvæmt alþjóðalögum.

Undirbúa nýtt Icesave tilboð

Athugasemdir

[Sigurður Haraldsson, 20.2.2010 kl. 01:15]

Verjum lýðræðið það er verið að troða á okkur almennum borgurum þessa lands.

[Ragnar Thorisson (IP-tala skráð) 20.2.2010 kl. 10:17]

Á aþjóðlegum fjármagnsmörkuðum þykir álíka gáfulegt að fjárfesta Íslandi og í Nígeríu. Og með hverjum deginum sem líður með Icesave óleystan þá minnka líkurnar að hér á landi muni koma inn erlent fjármagn í formi fjárfestinga í atvinnulífinu.

Með hverjum deginum sem líður með samninginn í uppnámi, skaðast orðspor Ìslands sem þjóð til að treysta á í viðskiptum og að koma til baka verður erfiðara og erfiðara.

Íslenska krónan verður með hverjum deginum sem líður studd með gjaldeyrishöftum, verðlausari pappír.

Halda menn að þetta kosti ekki neitt, vilja menn keyra orðsporið algjörlega í botninn þannig að ekki verði aftur snúið. Hvar er þjóðarstoltið?

það grátlega við Icesave deiluna er það að íslendingar eru í raun að sanna það í eitt skipti fyrir öll hve vanþroska þessi þjóð er, hún var reyndar búinn að því all rækilega í útrásinni en er nú að slá endahnútinn.

Ef hægt er að finna einhvern sameiginlega flöt á málflutningi andstæðinga Icesave samningsins þá er hann:

Allt er Ömurlegt.

Ekki er að sjá nokkurstaðar neina sameiginlega stefnu um það hvað á að gera eftir að samningurinn verður felldur í atkvæðagreiðslu!

[Guðlaugur Hermannsson, 20.2.2010 kl. 11:58]

Sæll Sigurður, Sammála þér með verndun lýðræðis okkar. Alþingismenn hafa minnsta traust fólks af öllum stéttum.

Sæll Ragnar, Ástæðan fyrir skorti á fjárfestingum erlendra aðila er gjaldeyrishöftin. Þetta með Nígeríu verð ég að segja að ég er ekki kunnugur aðstæðum þar. Icesave er þröskuldur í okkar samfélagi satt er það. Ég hef bent á leiðs til að leysa þetta mál strax í dag ef vilji er fyrir hendi.

Erlendis er krónan metin mjög veik og getur ekki orðið veikari að mínu mati. Það vill enginn krónu þrátt fyrir lágt verð. Það eina sem hefur haldið genginu á þó þetta sterku á aflandskrónunni eru ólöglegu viðskiptin með hana.

Ég mun ekki kjósa með þessum lögum. Mín ástæða er sú að við gætum flækst í ólöglegum aðgerðum Breta og Hollendinga eins og til að mynda þær aðgerðir þar sem Bretar hafa fryst inn á vaxtalausum reikningi í Englandsbanka sem svara til 200. milljarða íslenskar krónur sem er í eigu þrotabús Landsbankans og ættu með réttu að vera vera greiðsla til Breta fyrir Icesave.

Sameiginleg stefna gæti verið til að mynda sú að Islendingar gengju til samninga við Breta og Hollendinga af hörku og krefjist þess að eignasafnið verði samþykkt sem greiðsla fyrir Icesave á því verðmati sem er kunnugt núna. Eins og áður hefur komið fram er um 200 milljarðar í reiðufé í Englandsbanka sem gæti skipt um hendur í sjálfum Englandsbanka.