Never ending story?

Ekki lítur það vel út. Ég legg til að við fáum fyrsta hlutan núna 1. Febrúar og næstu kafla á 6 mánaða fresti það til yfir líkur.

Skýrslan frestast enn lengur

Étum ekki útsæðið. Fiskimiðin eru okkar fiskeldi, loðnan er fóðrið.

Étum ekki útsæðið. Íslensku fiskimiðin eru okkar uppeldisstöð fiskistofna og er loðnan stór hluti af fæðu þeirra.

Bóndinn selur ekki hey frá sér og sker svo niður kúastofninn vegna heyskorts.

Fundu loðnu við Austurland

Mótmælum veðrinu á Íslandi og boðum alla veðurfræðinga á fundinn.

Mótmælum veðrinu á Sunnudag. Fundurinn verður haldin innandyra vegna veðurs. Það er óþolandi að veðrið sé ekki betra á Íslandi. Farið verður heim til veðurfræðinganna og þeir dregnir á fundinn ef þeir mæta ekki af sjálfdáðum.

Það er með ólíkindum að menn geri sér slíkar grillur eins og þær að stjórnarherrar geti lagað ástandið með frekari gjörningi en núþegar hefur verið framkvæmdur af þeirra hálfu. Það er ekki búið að setja neinn í steininn enn.

Lánshæfismat ríkisins er í ruslflokki. Forsetinn neitar að skrifa undir lögin um Icesave. Ríkisstjórnin hefur ekki afhent Bretum og Hollendingum eignasafn Landsbankans upp í Icesave skuldina sem dekkar 90% af heildarskuldinni.

Verkalýðshreifingin hefur ekki krafist þess að launavísitalan verði sett í gang aftur. Í þjóðarsáttinni var hún tekin úr sambandi og Seðlabanki Íslands lofaði að halda verðbólgu innan marka viðmiðunar sem var 2.5%. Eins og við vitum í dag þá tókst Seðlabankanum ekki að standa við loforðið og sem meira var honum tókst ekki heldur að standa sig í sínum eigin daglega rekstri og ennþá síður að vernda stöðuleika launþega gegn verðbólgu sem þeir voru berskjaldaðir fyrir vegna afnáms launavísitölu.

Ráðherrar og verkalýðsforingjar mæti á Austurvöll

Seðlabankinn lánaði Kaupthing Bank 90 milljarða án trygginga korter fyrir hrun.

Seðlabankinn er búinn að toppa einkabankanna með því að lána fé út án trygginga. Hrun bankanna á vesturlöndum hefur ekki valdið seðlabönkum landanna fjártjóni. Seðlabanki Íslands er eini seðlabankinn sem varð gjaldþrota í þessu hruni. Hann hefur ekki bara tapað fé heldur fór hann beint á hausinn sem er líklegast met.

Er það nema vona að rekstur Seðlabanka Íslands er notaður sem dæmi í háskólum víða um heim um það hvernig á EKKI að reka seðlabanka.

Núverandi staða Seðlabankans er ekki betri en hún var. Skuldir þjóðarbúsins eru vanmetnar svo hundruðum prósenta skipti. Fjármálaráðherrann er ekki með rekstrarþekkingu umfram reksturs vörubíls. Jóhanna hefur aldrei haft mannaforræði fyrr og er að reyna að stjórna heilu samfélagi með skuldir sem engin þjóð hefur áður staðið undir.

Skattamál ríkisstjórnarinnar eru eins og hengingaról fyrir þjóðfélagið. Atvinnuleysi eykst í hverjum mánuði þrátt fyrir landflótta vinnuaflsins á besta aldri. Við bankahrunið féll krónan um 60% og launin þarmeð en verðlag hélst í verðtryggingunni. Menn tala um að skuldir heimilanna hafi aukist um svo mörg prósent, hið rétta er að launin hafa lakkað um 60% en vöruverð staðið í stað. Þessu til staðfestingar þá hefur bensínverð staðið í stað miðað við evru eða sem því næst, líterinn er á 1 evru. Þetta verð er það sama í Evrópu.

Það má líkja þessu við þá stöðu sem gæti verið á þessa leið: Þú fjárfestir miðað við þau laun sem þú færð fyrir 8 tímanna og stendur í skilum en af þú fengir ekki vinnu nema 4 tíma á dag en ert með sömu útgjöld og áður þá fer þetta aðeins á einn veg. Ofan á þetta allt þá bætist við hækkun á skattaprósentunni af 4ra tíma laununum sem þýðir aðeins eitt, minni greiðslugeta ásamt rýrnun kaupmáttar, sem síðan leiðir af sér hærri atvinnuleysistölur og meiri landflótta ungafólksins, sem eru jú undirstaða atvinnulífsins. Skattahækkunin skilar sér ekki í ríkiskassann vegna lægri tekna og rýrnun kaupmáttar.

SÍ með 350 milljarða kröfu

Sérstakur saksóknari frysti þessi laun ef greidd verða svo skaðabótakrafan gegn honum verði tryggð.

Það er kaldhæðnislegt að vonast eftir því að krafa Sigurðar verði samþykkt. Ef krafan verður samþykkt þá skapast verðmæti úr þrotabúini til ríkisins í formi skaðabóta frá Sigurði.

Sigurður gerir launakröfu

Hverjir eiga nýju bankanna? Eru það útrásarvíkingarnir í skjóli aflandsfélaga?

Þegar upp er staðið og menn horfa fram á stærsta gjaldþrot heims (bankarnir þrír til samans) eru það okkar fyrstu viðbrögð að spyrja: Hverjir eiga bankanna núna? Aflandsfélög eru eigendur af stærstum hlutunum. Hverjir eiga þessi félög? Eru það útrásarvíkingarnir?

7300 milljarða kröfur í Kaupþing

Björgólfur Guðmundsson einn af 1000 ríkustu mönnum heims?

Ekki datt mér í hug að skuldir Björgólfs hefðu verið færðar honum til tekna og þar af leiðandi komið honum á fyrrgreindan lista. Það er margt skrítið í kýrhausnum.

Kröfur í þrotabú Björgólfs nema 101 milljarði króna

Íbúðalánasjóður lánar byggingaverktökum lámarks lán að 18 milljónum.

Íbúðalánasjóður veitir lán til nýbygginga nánst á færibandi. Allir byggingarverktakar tóku lámarkslán hjá ILS. Það gæti verið skýringin á þessari aukningu á umsóknum un nauðungasölu. Margir af þessum byggingavertökum eru orðnir gjaldþrota og þar af leiðandi ekki í þeirri stöðu að geta sótt um frest á uppboði. Það eru um 8000 íbúðir tómar á landinu og eru nánast allar óseldar og í eigu byggingaaðila eða lánastofnanna.

Þetta fyrirkomulag hjá Íbúðalánasjóði að lána út á fokheldisvottorð einvörðungu er ávísun á offramboð eigna. Ef Íbúðalánasjóður hefði krafist þeirra skilyrða að þá yrði að liggja fyrir kaupsamningur (ekki málamyndarsamningur) eða leigusamningur óuppsegjanlegur í 3 ár. Með þessu fyrirkomulagi hefði mátt koma í veg fyrir stóran hluta af þessum umframíbúðum.

Menn enn að ýta vandanum á undan sér

Icesave skaði ekki íslenska þjóð. Það er mikilvægara.

Af hverju í andskotanum er ekki búið að afhenda Bretum og Hollendingum eignasafn gamla Landsbankans? Þessar þjóðir eiga rétt á þessum eignum til að greiða upp í innlánstap innistæðueigenda sem þær hafa gert upp við nú þegar.

Icesave skaði ekki alþjóðleg tengsl

Þarna eru Icesave peningarnir. Í óarðbærum eignum.

Þetta skýrir orsök hrunsins að hluta.