Enn á að fara að "éta útsæðið" með þessum loðnuveiðum.

Er ekki nóg komið í þessu rugli með fæðukeðjuna? Það er ekki forsvaranlegt hjá Hafró. Það er verið að raska fæðukeðjunni með þessum fyrirhuguðum veiðum á loðnunni.

Þorskkvótinn er í lámarki vegna gengdarlausrar loðnuveiði í áratugi eða síðan 1975.

Loðnukvótinn gæti orðið 200 til 400 þúsund lestir

Lausnin er fólgin í eignasafni Landsbankans sem er yfir 90% af skuldinni.

Það er varasamt að básúna um Icesave eins og við munum borga það að fullu. Það eru til fjármunir í eignasafni þrotabús Landsbankans sem nægja fyrir nánast allri skuldinni. Við skuldum ekki Icesave.

Lausn Icesave fyrir lok árs

Að falla frá fyrningaleið í kvótamálum og draga til baka umsókn í ESB er pólitískur ágreiningur.

Það er með ólíkindum að flokkarnir geti ekki komið sér saman um að leggja pólitískan ágreining til hliðar nú þegar mest ríður á að ná samstöðu. Meirhluti vill láta reyna á umsókn um inngöngu inn í ESB til að sjá hvað er í boði. Meirihluti er einnig fyrir fyrningaleiðinni í fiskveiðistjórnun.

Það er ekki undarleg sú staða sem er nú ljós að Alþingi hefur minna en 9% traust eftir allt sem á undan er gengið.

Stjórnin hefur ekki meirihluta á þingi fyrir öllum málum. Í mörgum málum þarf hún að treysta á þingmenn stjórnarandstöðunar til að ná þeim fram.

Vilja leggja pólitískan ágreining til hliðar

"Steingrímur segir ekkert af viti eins og Jóhanna" átti Þetta líklegast að vera.

Það er umhugsunarvert fyrir okkur þegar ráðsettir "borgarstjórar" í litlum sjávarplássum taka sér það bessaleyfi að vanvirða konur á þennan hátt. Ég veit ekki hvaða "kellingar" hann hefur umgengist en þær virðast ekki stíga í vitið ef þetta er hans reynsla af "kellingum".

Ætli kellingarnar hans í Garðinum kjósi hann aftur? Líklegast ekki vegna þess að þær hafa vit á því.

Ásmundur biðst afsökunar

Að geta pissað standandi eða bara sitjandi er ekki mælikvarði á hæfni fólks til setu í stjórnum.

Það er merkilegt að í dag 2010 eru við að setja 50/50 reglur um kyn fólks til setu í stjórnum. Með þessu erum við að vinna gegn þeim öflum sem skapa okkur hæfasta fólkið í hvert starf.
Í Danmörk hefur verið sett í lög að jafnt kynjahlutfall verði að vera í stjórnum og ráðum þar í landi. Stærsti vandinn er ekki að finna hæft fólk heldur er hæfara fólk haldið frá vegna þessa fáránlegu reglu. Vandræði Dana við skipan í ráð og stjórnir er sú að það er ekki alltaf nægilegt framboð af færum aðilum af öðru hvoru kyninu. Þetta bíður upp á ráðningu vanhæfari aðila en völ er á vegna kynferðis.
Það er spurning hvort þetta endi ekki með því að ekki meigi vera nema 1/4 dökkhærðra, 1/4 ljóshærðra, 1/4 rauðhærðra og rest skollóttir.
Er enginn sem sér hve mikil vitleysa þetta er? Ég væri fullkomlega sáttur við stjórn sem væri mönnuð þeim færustu sem völ er á þó svo að það væru allt konur. Konur eru að eyðileggja fyrir sjálfum sér með þessum kröfum en ekki bæta hag sinn. Með þessu móti verður trúverðugleikinn afar rýr.
Kjósum hæfasta fólkið en ekki 50/50 konur og karla.
Það sem þarf er hvatning og stuðningur til handa konum til að bjóða sig fram til starfa á þeim sviðum þar sem hver og ein er hæfust. Með þessu móti náum við jafnræði milli kynja. Það felst ekki jafnrétti í því að stjórnir séu skipaðar einvörðungu konum og körlum að jöfnu. Með þessu erum við að ganga á rétt þeirra sem hæfari eru, hvort sem það er kona eða maður.

BSRB með jafnt kynjahlutfall í lífeyrissjóðum

Ríkisendurskoðun féll á stærðfræðiprófi Menntaskóla Hraðbrautar.

Þegar opinberir starfsmenn geta ekki reiknað rétt þá er voðinn vís. Mín uppástunga er sú að starfsmenn Ríkisendurskoðunnar fari á "hraðnámskeið" í stærðfræði. Námskeiðagjald má síðan ræða um þegar og ef starfsmennirnir standast prófið í lokin.

Stendur við útreikninginn

Sækjum um styrk til Norðurlandanna til að reka heilbrigðisþjónustu okkar.

Staðan í dag er orðin svo alvarleg að við verðum að leita til hinna norðurlandanna um styrk til að reka heilbrigðisþjónustuna hér á landi. Það er ekki hægt að bjóða upp á þetta öryggisleysi. Ég tel að hinar norðurlandaþjóðirnar verði viljugar til að hlaupa undir bagga með okkur og styrkja okkar heilbrigðisþjónustu með fjárframlagi sem gæti dugað til að sleppa niðurskurðinum.

Stöndum vörð um sjálfsögð mannréttindi og sláum skjaldborg um heilbrigðisþjónustuna í landinu.

Hjúkrunarráð telur öryggi sjúklinga stofnað í hættu

Viljum við annað bankahrun? ESB er okkar trygging fyrir velferð.

Þetta taugaveiklunarlega frumhlaup VG er eins og flugeldasýning. Við náum ekki stöðugleika nema með inngöngu í ESB. Burt með krónuna sem setti allt á hausinn hérna þegar "spákaupmenn" bankanna tóku stöðu gegn krónunni.

Það er ekkert sem kemur í stað ESB fyrir okkur. Allar þjóðir Evrópu sem eru inn í ESB ERU SÁTTAR. Ef okkur líkar ekki veran í ESB þá er bara að segja sig úr því.

Sjávarútvegurinn er kominn í kvótakerfi sem sett var 1984. Þegar það var lögleitt þá var þorskkvótinn 380 þúsund tonn en er nú 150 þúsund tonn. Hvað varð um þessi 230 þúsund tonn? Eru þau svo vel vernduð að þau finnast ekki? Með þessu áframhaldi hverfur þorskurinn af miðunum og ekkert verður eftir eða sem verr er að kaupendur hætta að kaupa íslenskan þorsk vegna þess að veiðar á honum eru ekki sjálfbærar, saman ber rauðsprettuna í Danmörku.

Ásmundur Daði Einarsson stingur upp á því að við gerum tvíhliða samninga við Bandaríkin til að koma í stað ESB. Með þessu er hann að viðurkenna að við getum ekki verið ein á báti í hinum stóra heimi.

Með því að ganga inn í ESB þá erum við að ganga inn í annað umhverfi og verða þátttakendur í 500 miljóna samfélagi og þurfum ekki að ergja okkur yfir smæð markaðarins hér heima. Við getum haft viðskipti beint við önnur fyrirtæki í ESB eins og þau væru á ÍSLANDI.

Fleiri taka undir áskorun á VG

Prentið bæklinga fyrir þá sem vilja og sendið rest inn á heimabanka fólks.

Það er verið að leita að sparnaðartillögum. Hér er ein: Sendið "bæklinginn" inn á heimabanka þeirra sem vilja það og prenta fyrir þá sem það vilja.

Bæklingurinn stærri en reiknað var með

Bankarnir vanda útlán frekar ef skattgreiðendur verða ekki ábyrgir.

Það má með sanni segja að bankarnir hafa lánað fé til lántakenda með ríkisábyrgð. Þrautarlendingin er að skattgreiðendur borga. Í tilfelli íslensku bankanna þá lánuðu erlendu "heildsölubankarnir" þeim nánast ótakmarkað fé vegna ríkisábyrgðar á íslensku bönkunum.

Þarna er nánast óútfylltur tékki afhentur erlendu bönkunum til að dekka kröfurnar á þá íslensku.

„Bankar greiði fyrir banka"