Öll ríkisstjórn Geirs H Haarde ber ábyrgð á hruninu ekki aðeins Geir Haarde.

Það hefði átt að kæra alla ríkisstjórnina ekki einn mann. Það er ljótur leikur Alþingismanna að handplokka einn mann og ákæra hann. Það er ákveðinn dómur falinn í því að ákæra einn en sleppa öllum hinum ráðherrunum.

Það sem er alvarlegast við þetta er að meintir lögbrjótar eru enn í ráðherrastóli og tóku pólitíska ákvörðun að velja úr þá sem ábyrgð báru á meintu broti í þessu tilfelli Geir Haarde.

Geir H Haarde er líklegast sá forsætisráðherra sem minnst verður í sögubókum fyrir að hafa bjargað íslenskri þjóð frá algjöru gjaldþroti með neyðarlögunum og ekki síst að bjarga fjármunum á Icesave reikningunum sem annars hefðu farið í gjaldþrot bankanna.

Ég ber mikla virðingu fyrir Geir H Haarde og hans aðkomu í þessu hruni sem bjargaði Íslandi frá ævarandi örbyrgð.

Davíð Oddsson skapaði hrunið en Geir H Haarde var bjargvætturinn.

Geir Haarde er að mínu mati besti forsætisráðherra okkar frá upphafi.

Jóhanna er líklegast sá lélegasti frá upphafi og Davíð Oddsson er næstur þar á eftir. Hann kostaði okkur 500 milljarða þegar Seðlabankinn fór á hausinn (sá eini í veraldarsögunni). Það þarf "snilling með mikilmennskubrjálæði" til að fremja svona glappaskot.

Landsdómsmálið ekki á dagskrá

Loðnan er mikilvægur hlekkur í fæðukeðjunni og öll veiði á henni fáránleg.

Það er nánast full reynt að loðnuveiðar hafa skapað hrun í bolfiskstofnum hér við land. Það hefur verið rýrnun í bolfiskstofnum hér við land.

Loðnuveiðar hófust að fullu um miðjan áttunda áratuginn og þá fór heildarafli þorsk minnkandi og árið 1984 var settur kvóti á fiskistofnanna. Síðan hefur "verndunin" verið í raun áfram haldandi rýrnun og gengdarlausar loðnuveiðar.

Loðnan er veidd frá því hún finnst og þar til hún hefur hryggnt. Það er ekki stöðvaðar veiðar á henni til að leyfa henni að hryggna.

Á því svæði sem loðnan er veidd þegar hún er komin að hryggningu er í kringum Eldey en þar er stærsta uppeldissvæði ýsuseyða. Á Eldeyjarbanka er frekar grunnt og fara næturnar í botn og síðan er lokað fyrir með öllu kviku inn í.

Étum ekki útsæðið. Stoppum loðnuveiðar strax.

Loðnuleiðangri að ljúka

Oft eru dáin hjón lík en í þessu tilfelli eru þau þó ólík í líkbílnum.

Það fór betur en áhorfðist í þessum hildarleik hjónanna. Guð var með þeim og það er það sem þarf til þess að sleppa lifandi úr líkbílnum.

Það er nánast víst að farþegar hafi ekki dáið í líkbíl en þó mun meiri líkur á að þeir lifni við í líkbíl. Þessi fullyrðing er borin fram á þeim forsendum að það sé meiri líkur á því vegna fjölda líkfluttninga sem átt hafa sér stað í slíkum bifreiðum.

Gamall líkbíll steypti stömpum í Kömbunum

Björn Valur..................

Þarf að segja meira?

Varasamt að tefla refskák

Étum ekki útsæðið. Nýtum loðnuna til eldis á bolfiskistofnum landsins.

Það er dauðadómur yfir sjálfbærni í fiskveiðum okkar að veiða loðnu. Það getur ekki boðað gott að ganga á ætið eins og það væri óþrjótandi.

20-25 milljarða loðnuvertíð

Mogginn aðalmálgagn Vinstrimanna og ESB andstæðinga?

Hér áður fyrr var Mogginn dagblað allra landsmanna en ekki "fréttablað LÍÚ og ESB andstæðinga". Hvert er ritstjórnin að fara með þetta annars ágæta dagblað? Er ekki orðið tímabært að opna blaðið aftur fyrir almennum skoðanaskiptum milli manna án íhlutunar ritstjórnar?

Morgunblaðið var ópólitískt að undanskyldri ritstjórn blaðsins sem var ramm pólitísk en án þess að mismuna hópum með aðrar áherslur en hún í stefnu flokksins.

Stefnum að því að ganga inn í ESB með sem hagstæðustu samningum sem völ er á. ESB Já Takk.

Ásmundur Einar: Hver er staða ESB-umsóknarinnar?

Enn er Jón Bjarnason lykillinn í upplýsingaöflun Moggans. Það var öðruvísi mér áður brá.....

Jón Bjarnason sem enginn gat notað í ríkisstjórn er nú aðal maðurinn í fréttum og viðtölum Moggans. Jón Bjarnason LÍÚ sinni er ekki í húsum hæfur (Stjórnarráðinu). Það vekur hjá mér ógleði að hugsa til þess að fyrrum aðal andstæðingur Sjálfstæðisflokksins er orðin innanbúðarmaður hjá Mogganum þó svo að hann hafi sömu stefnu í pólitík. Ef Jón Bjarnason er helsta upplýsingarveita Morgunblaðsins í andstöðu við ESB þá er orðið fátt um fína drætti í þessari andstöðu þeirra. Moggablaðamenn! Hvar eru andstæðingar ESB innan Sjálfstæðisflokksins? Fer þeim fækkandi? Eru þeir að bíða eftir niðurstöðu úr samningaviðræðunum? Vilja þeir taka ábyrga afstöðu, byggða á staðreyndum um ESB? Eru þeir tilbúnir að styðja afturhaldsseggina sem eyðileggja fyrir okkur með andófi á samningaviðræðunum og gefa sig ekki alla í að ná sem bestri samningsstöðu fyrir okkur. Ef ekki er unnið að alúð að aðildarviðræðunum þá erum við hugsanlega að skaða okkur sjálf með mögulegri samþykkt á lélegum samningnum við ESB.

Þetta er vert að hafa í huga allir sem einn. Gerum samninginn sem best úr garði fyrir okkur og svo kjósum við um hann í lokin.

Forysta VG með of bogin hné

Halló Moggi! Jón Bjarnason er vinstrisinnaður og flokksbundinn í VG.

Það er með ólíkindum hvað Jóni Bjarnasyni er hampað í Mogganum. Hann er algengasta persónan í fréttafluttningi á Mogganum á þessu ári. Er Mogginn að nýta sér andstöðu hans við ESB umsóknina?

Gengið gegn samþykkt

Jón Bjarnason ræður ekki hvort við göngum í ESB. Það gerir þjóðin sjálf.

Jón Bjarnason er pólitískt slys. Hann er niðurrifsmaður með annarlegar kenndir sem koma fram í formi valdníðslu á almennum kjósannda.

Eigum ekkert erindi í ESB

Íslendingar! Étum ekki útsæðið með því að veiða loðnu. Loðnuveiðar er ástæðan fyrir hruni bolfiskstofnanna.

Loðnuveiðar hafa verið stundaðar við Ísland síðan 1974 eða í nær 40 ár. Hvernig hefur gengið með bolfiskstofnanna síðan þá?

Loðnan hefur verið veidd i miklu magni eða sem svarar til eina milljón tonna á ári. Það væri grunnhyggin manneskja sem héldi því fram að það hefði engin áhrif á afkomu bolfiskstofnanna. Það er nú svo komið að þorskkvótinn er aðeins fjorðungur frá því sem hann var fyrir 1974. Við skulum ekki gleyma því að hér áður fyrr voru veidd í það minnsta 500 þúsund tonn af þorski og á þeim tíma þegar erlendir togarar voru hér við land allt upp í 4 mílur frá landi.

Ég skora á sjávarútvegsráðherra að stoppa alla loðnuveiði til framtíðar vegna ástandsins. Ég tel að við verðum að láta bolfiskstofnanna njóta vafans og hætta öllum loðnuveiðum við Ísland til frambúðar.

Það er samhengi á milli skorts á sandsíli og gengdarlausrar loðnuveiðar í 40 ár. Þorskurinn fer nær landi til að afla sér fæðu úr sandsílisstofninum. Þetta kemur niður á fuglalífinu og viðgangi þeirra.

Krían er að hætta að verpa við Ísland vegna fæðuskorts og sama er að segja um lundann.

Ég kaupi ekki neinar "vísindarannsóknir" með skilaboðum um að sandsílisskorturinn sé óleyst ráðgáta.

Stöðvum allar loðnuveiðar strax og sjáum hvað gerist í náttúrunni eftir ákveðinn tíma.

Norðmenn stöðvuðu loðnuveiðar í Barentshafinu í nokkur ár og eru þeir að uppskera afraksturs þessara ákvarðanna. Í Barentshafinu eru þeir að afla yfir 600 þúsund tonn af þorski árlega. Það er annað en hér á landi sem er aðeins 130 þúsund tonn.

Danir voru með miklar fiskveiðar í Norðursjónum hér á árum áður en nú er ekki neitt eftir til að veiða. Ástæðan fyrir því er sú að þeir veiddu yfir milljón tonn af sandsíli á ári ásamt miklu magni af síld. Þetta var rányrkja á þeirri stærðargráðu að þeir þurrkuðu út allt kvikt í Norðursjónum á árunum 1985 til 1990. Það eru fiskbræðslur í Danmörk sem gætu afkastað 3 milljón tonna á ári en eru ekki starfandi í dag.

Íslendingar! Lærum af reynslu Dana og tileinkum okkur skynsemi Norðmanna og stöðvum allar loðnuveiðar við Ísland. Það er meira verðmæti í kílói af þorsk en kílói af loðnu.

Étum ekki útsæðið.

Loðnu landað