Skólabókadæmi um "klúður"?

Gott skipulag hefði getað komið í veg fyrir þetta klúður sem hefur kostað milljón. Mundi design ætti að einbeita sér að fatahönnun í stað hönnunar á fiskabúri sem ekki hélt vatni frekar en vasarnir á flíkunum þeirra.

Mundi design gæti lent í samskonar uppákomu og járnsmiðjan í þessu tilviki. Segjum sem svo að Járnsmíðameistarinn kæmi til Mundi design með málin af eiginkonunni og bæði Mundi design að hanna og sauma kjól á konuna. Járnsmíðameistarinn afhendir honum málin af konunni og óskar eftir verðhugmynd frá þeim. Mundi design segist gera ráð fyrir að kjólinn kosti um 6000 krónur. Þegar kjólinn er afhentur 5 tímum fyrir árshátíðina þá kemur í ljós að konan er of feit fyrir kjólinn og úr vöndu er að ráða. Járnsmiðameistarinn krefst þess að Mundi design komi strax heim til hans og reddi þessu "klúðri". Fatahönnuðurinn getur ekki bjargað Þessu nema með því að spretta kjólinn upp og víkka hann. Þetta gerir Mundi design og afhendir kjólinn.

Klukkutíma fyrir árshátíðina fer frúin aftur í kjólinn og fer af stað á árhátíðina og þegar þangað er komið þá kemur saumspretta á hann og allt flæðir út og mikið hafarí fyrir Járnsmíðameistarann að hemja þetta allt.

Eiginkonan varð að fara heim aftur og fara í mussu og pils en það var ekki sá klæðnaður sem hún hafði hugsað sér að mæta í á árshátíðina.

Járnsmíðameistarinn bar þetta tjón sjálfur og borgaði kjólinn sem kostaði 30.000 þegar upp var staðið þrátt fyrir að Mundi design hafi talað um 6000 krónur í upphafi málsins.

Lekt fiskabúr fyrir dómstóla

Athugasemdir

[Rósa Aðalsteinsdóttir, 30.10.2009 kl. 18:48]

Kæri frændi

"og þegar þangað er komið þá kemur saumspretta á hann og allt flæðir út og mikið hafarí fyrir Járnsmíðameistarann að hemja þetta allt."  Bara flottur - allt flæðir út

Þegar föt eru hönnuð og saumuð er nú ekki gert ráð fyrir að flíkin sé stækkuð eins og í þessu ímyndaða dæmi þínu. Ekkert skrýtið að það hafi komið aumsprettur því aumarnir hafa verið tæpir fyrst þurfti að stækka flíkina og svo flæddi allt spikið út úr þessari líka mislukkuðu ímynduðu flík. Þú ert alveg milljón.  Hefði ekki viljað leika þessa ímynduðu frú.

Guð veri með þér

Kær kveðja/Rósa