Fáum Norðmenn til að kaupa af okkur eignasafn Landsbankans á 90%.

Fáum Norðmenn til að kaupa af okkur eignasafn Landsbankans á 90 % af ICESAVE skuldinni (við gerumst eigendur að eignasafninu vegna lántöku okkar hjá Bretum og Hollendingum) með því sleppum við að fara í mál við Hollendinga og Breta seinna meir. Hér er hugmyndin:

Með því að Norðmenn kaupi upp eignasafnið leysast mörg mál af sjáfum sér og við það fæst lán sem hefur raunstöðu og vissu okkar fyrir raunverulegri skuld okkar við Icesave. Segjum sem svo að Norðmenn kaupi þetta eignasafn og meti það á 90%, þá skuldum við aðeins 10% (60-75 milljarða) sem við gætum greitt á 15 árum eins og áætlað var í fyrstu. Það væri um það bil 5 milljarðar á ári að viðbættum vöxtum sem yrðu þá um 4 milljarðar. Þetta yrði þá um 7 milljarða miðað við jafngreiðslu á ári næstu 15 árin. Greitt yrði því samtals um 105 milljarðar.

Þegar menn meta verðmæti eignasafna þá eru gerðir núvirðisútreikningar sem felast í því að eignasafn sem er með skuldabréf upp á 100 kr og greiðist upp með eingreiðslu eftir 10 ár og það ber ekki vexti þá er verðmætið 100 kr mínus vextir í tíu ár. Með þessu móti er hægt að meta þessa eign á kring um 50 kr ef vextir eru 5%.

Fáum okkar bestu samningsmenn til Noregs til að reyna að fá þá til að kaupa upp eignasafnið og greiða Bretum og Hollendingum 90% af Icesaveskuldinni. Þetta er fræðilegur möguleiki sem vert er að kanna strax í dag.

Enn deilt um dómstólaleið

Athugasemdir

[Sigurbergur (IP-tala skráð) 16.10.2009 kl. 20:09]

Snjöll hugmynd. Þú ættir að koma þessu á framfæri við ráðamenn. Auðvitað sendum við Svavar Gests til Noregs. Þegar hann fór til Bretlands þá tók það breta aðeins hálftíma að sannfærast um ICESAVE samninginn. Engin vandamál og strax skrifað undir.

[Guðlaugur Hermannsson, 16.10.2009 kl. 21:41]

Þetta er fræðilega mögulegt.

[Guðlaugur Hermannsson, 16.10.2009 kl. 22:53]

Það má bæta því hér við að ef við fengjum Norðmenn til að kaupa eignasafnið, þá væri fræðilegur möguleiki að nota lán frá Danmörk og Svíþjóð til að greiða eftirstöðvar af ICESAVE láninu til Breta og Hollendinga. Þetta opnar þá möguleika til málaferla við þá til að skera úr um hverjir eigi í raun að borga þeirra handvöm og skort á eftirliti.