Ætlar Framsókn að skuldsetja okkur fyrir 2000 milljarða?

Hvað er í gangi hér? Eru Framsóknarmenn orðnir "útrásarvíkingar"? Ætla þeir að skuldsetja okkur fyrir 2000 milljarða sem kosta 100 milljarða á ári í vexti.

Ég er undrandi á svona "hat trick" reddingum á pólitískum grunni. Hvað ef ekki er þörf á þessum peningum? Það er alltaf hætta á því að stjórnvöld misnoti lánsfé og noti þá í ónauðsynlegar framkvæmdir.

Ef við tökum þetta lán þá verðum við ævarandi skuldbundnir Norðmönnum. Við verðum að draga til baka umsókn okkar í ESB og hugsanlega veita Norðmönnum veiðiheimildir í okkar fiskistofna.

Þetta verður hættulegt framtak hjá "Þotuliði" Framsóknar svo ekki sé meira sagt.

Mikill velvilji í garð Íslands

Athugasemdir

[Jóhann, 7.10.2009 kl. 17:20]

Eru þeir ekki að reyna að tryggja okkur lánalínu upp á 2000 milljarða? Það er ekki sama og lán upp á þá upphæð, við þurfum ekki að nýta okkur alla lánalínuna.

[Eggert Sólberg (IP-tala skráð) 7.10.2009 kl. 17:21]

Það hefur marg oft komið fram í máli Sigmundar Davíðs að verið sé að athuga hvort hægt sé að koma á lánalínu milli landanna ef til þess kemur að þörf sé á erlendu fjármagni inn í landið. Þar með er ekki sagt að við þurfum að taka lán. Ég sé þar að auki ekki að norskt lán sé verra en önnur lán sem við höfum tekið, t.d. frá Pólverjum eða Færeyingum. Eigum við annars ekki að sjá til hvort Norðmenn séu tilbúnir til þess að gera okkur þann greiða og sjá skilmálana áður en við ákveðum að lánakjörin séu óaðgengileg?

[Óskar (IP-tala skráð) 7.10.2009 kl. 17:26]

Hvaða rugl er þetta?

 Ef að norðmenn geta veitt okkur lán sem er sambærilegt eða jafnvel betra en lánið frá AGS þá er það frábært!
Það gefur líka auga leið að Norðmenn standa okkur mun nær en AGS og því eru öll samskipti miklu auðveldari.  Þeir eru líka líklegri til þess að hlusta á okkar hlið á málum.

Nú þarf Ísland á stóru láni að halda.  Það er augljóst, og ég held að flestir telji að betra sé að fá lánið frá Norðmönnum heldur en öðrum.

Gott að vita að það er einhver flokkur að reyna gera eitthvað.... eina sem Samfylkingin vill gera er að TROÐA okkur inn í ESB sama hvað það kostar....og greyin í VG...þau vita ekki hvað snýr upp né niður.

Ef þú segir að Framsókn ætli að skuldsetja okkur gagnvart Norðmönnum, þá segi ég að VG og Samspillingin séu að skuldsetja okkur hjá AGS.  ...og þá vel ég frekar Norðmenn!

[Guðlaugur Hermannsson, 7.10.2009 kl. 17:26]

Við þurfum 500 milljarða í gjaldþrota Seðlabanka 800 milljarða í Icesave 500 milljarða í ríkisbankanna. 200 milljarða í virkjanir og frágang á óbyggðu húsnæði.

[Guðmundur St Ragnarsson, 8.10.2009 kl. 00:06]

Þú ert fyndinn Guðlaugur. Þér finnst líklega betra að vera undir hælnum á AGS um nánustu framtíð. Ef gott er að skulda einhverri þjóð þá er það frændum okkur Norðmönnum. AGS er nákvæmlega sama um okkur enda fyrst og fremst innheimtustofunun fyrir Breta og Hollendinga. Norðmönnum er ekki alveg sama og skiptir ekki máli hvort það tengist frændsemi eða fiski/olíuhagsmunum.