Enn er Jón Bjarnason lykillinn í upplýsingaöflun Moggans. Það var öðruvísi mér áður brá.....

Jón Bjarnason sem enginn gat notað í ríkisstjórn er nú aðal maðurinn í fréttum og viðtölum Moggans. Jón Bjarnason LÍÚ sinni er ekki í húsum hæfur (Stjórnarráðinu). Það vekur hjá mér ógleði að hugsa til þess að fyrrum aðal andstæðingur Sjálfstæðisflokksins er orðin innanbúðarmaður hjá Mogganum þó svo að hann hafi sömu stefnu í pólitík. Ef Jón Bjarnason er helsta upplýsingarveita Morgunblaðsins í andstöðu við ESB þá er orðið fátt um fína drætti í þessari andstöðu þeirra. Moggablaðamenn! Hvar eru andstæðingar ESB innan Sjálfstæðisflokksins? Fer þeim fækkandi? Eru þeir að bíða eftir niðurstöðu úr samningaviðræðunum? Vilja þeir taka ábyrga afstöðu, byggða á staðreyndum um ESB? Eru þeir tilbúnir að styðja afturhaldsseggina sem eyðileggja fyrir okkur með andófi á samningaviðræðunum og gefa sig ekki alla í að ná sem bestri samningsstöðu fyrir okkur. Ef ekki er unnið að alúð að aðildarviðræðunum þá erum við hugsanlega að skaða okkur sjálf með mögulegri samþykkt á lélegum samningnum við ESB.

Þetta er vert að hafa í huga allir sem einn. Gerum samninginn sem best úr garði fyrir okkur og svo kjósum við um hann í lokin.

Forysta VG með of bogin hné

Athugasemdir

[Óskar Helgi Helgason (IP-tala skráð) 8.1.2012 kl. 14:25]

Sæll Guðlaugur; og þakka þér fyrir samskipti, liðinna ára !

Þú lætur; Guðlaugur minn, eins og Jóhannes heitinn úr Kötlum, þegar hann, ásamt nokkrum öðrum Kommúnistum, biðu Sovét- Íslands, ágæti drengur.

Farðu að gera þér grein fyrir, að Norður- Ameríkuríkið Ísland, á öngva samleið, með nýlenduherrum norðanverðrar Evrópu, sem kúska eigin félaga í suðri, með þeim hætti, sem við höfum horft upp á, um langt skeið.

Meira að segja; Saudi- Arabía og nokkur önnur leppríki Bandaríkjanna, komast ekki í sæti þau, sem : Bretland / Þýzkaland og Frakkland, verma, í Heimsvaldaþjónkuninni, með Obama fjöldamorðingja, Guðlaugur minn.

Reyndu; að fara að jarðtengjast betur - og láta af væminni dýrkun þinni, á hinum viðurstyggilegu Evrópsku yfirgangsseggjum !

Með beztu kveðjum; öngvu að síður, úr Árnesþingi /