Íslendingar! Étum ekki útsæðið með því að veiða loðnu. Loðnuveiðar er ástæðan fyrir hruni bolfiskstofnanna.

Loðnuveiðar hafa verið stundaðar við Ísland síðan 1974 eða í nær 40 ár. Hvernig hefur gengið með bolfiskstofnanna síðan þá?

Loðnan hefur verið veidd i miklu magni eða sem svarar til eina milljón tonna á ári. Það væri grunnhyggin manneskja sem héldi því fram að það hefði engin áhrif á afkomu bolfiskstofnanna. Það er nú svo komið að þorskkvótinn er aðeins fjorðungur frá því sem hann var fyrir 1974. Við skulum ekki gleyma því að hér áður fyrr voru veidd í það minnsta 500 þúsund tonn af þorski og á þeim tíma þegar erlendir togarar voru hér við land allt upp í 4 mílur frá landi.

Ég skora á sjávarútvegsráðherra að stoppa alla loðnuveiði til framtíðar vegna ástandsins. Ég tel að við verðum að láta bolfiskstofnanna njóta vafans og hætta öllum loðnuveiðum við Ísland til frambúðar.

Það er samhengi á milli skorts á sandsíli og gengdarlausrar loðnuveiðar í 40 ár. Þorskurinn fer nær landi til að afla sér fæðu úr sandsílisstofninum. Þetta kemur niður á fuglalífinu og viðgangi þeirra.

Krían er að hætta að verpa við Ísland vegna fæðuskorts og sama er að segja um lundann.

Ég kaupi ekki neinar "vísindarannsóknir" með skilaboðum um að sandsílisskorturinn sé óleyst ráðgáta.

Stöðvum allar loðnuveiðar strax og sjáum hvað gerist í náttúrunni eftir ákveðinn tíma.

Norðmenn stöðvuðu loðnuveiðar í Barentshafinu í nokkur ár og eru þeir að uppskera afraksturs þessara ákvarðanna. Í Barentshafinu eru þeir að afla yfir 600 þúsund tonn af þorski árlega. Það er annað en hér á landi sem er aðeins 130 þúsund tonn.

Danir voru með miklar fiskveiðar í Norðursjónum hér á árum áður en nú er ekki neitt eftir til að veiða. Ástæðan fyrir því er sú að þeir veiddu yfir milljón tonn af sandsíli á ári ásamt miklu magni af síld. Þetta var rányrkja á þeirri stærðargráðu að þeir þurrkuðu út allt kvikt í Norðursjónum á árunum 1985 til 1990. Það eru fiskbræðslur í Danmörk sem gætu afkastað 3 milljón tonna á ári en eru ekki starfandi í dag.

Íslendingar! Lærum af reynslu Dana og tileinkum okkur skynsemi Norðmanna og stöðvum allar loðnuveiðar við Ísland. Það er meira verðmæti í kílói af þorsk en kílói af loðnu.

Étum ekki útsæðið.

Loðnu landað

Athugasemdir

[Níels A. Ársælsson., 5.1.2012 kl. 20:17]

Sammála; takk fyrir þetta ...

[Hallgrímur Hrafn Gíslason, 5.1.2012 kl. 21:24]

Það er rangt að Norðmenn hafi stöðvað loðnuveiðar við Noreg til fóðra þorskinn, Staðreyndin er sú að þorskurinn var búinn að éta loðnuna upp, þannig að það var ekkert eftir til að veiða umfram það lámark sem varð að skilja eftir fyrir hrygningu.

Við suðurströndina þar sem sandsílið vantar gengur loðnan um 3 vikur á vorin, þorskinn vantar samt fæðu hina 11 mánuðina, alveg sama þótt friðuð loðna myndi ganga um svæðið.

Það hefur aldrei verið eins mikil þorskgengd við Íslandsstrendur síðan ég fór að stunda sjóinn 1986. þar liggur ástæðan það er alltof mikið af fiski og það vantar fæðu.  Lausnin er að veiða meira af þorski setja mörkin við 350 þúsund tonn af þorski.

Lausnin er ekki að friða loðnu sem er ekki fæða fyrir fiskistofnana við Austurlandið og Suðurlandið nema 1 mánuð á ári.

ps. Við fórum að veiða loðnu í stórum stíl eftir 1963, vertu svo vænn að leiðrétta þetta áður en þú Copy paste næst þessari grein

[Anna Sigríður Guðmundsdóttir, 5.1.2012 kl. 21:37]

Guðlaugur. Takk fyrir mjög góðan pistil. Ég er sammála þér.

Ég er mjög undrandi á að stjórnvöld skuli ekki vinna samkvæmt staðreyndum og raunveruleikanum!

Ég hef fylgst með bloggfærslum reyndra sjómanna í langan tíma um loðnuveiðarnar. Þeir hafa margir reynt að benda á það sem þú segir hér. Þeir hafa þó ekki fengið eðlilega og sanngjarna umfjöllun á málinu í ríkisfjölmiðlunum á Íslandi.

Ég minni á að ríkisfjölmiðlar á Íslandi eru lögum samkvæmt, skyldugir til að fjalla hlutlaust um raunveruleikann.

Ég vil benda á mjög góðan pistil Níels A. Ársælssonar, sem hann skrifaði á einhverju bloggi nýlega, um þessi sannindi um loðnuna. Mig minnir að þessi pistill hafi verið á bloggi DV, en er þó ekki alveg viss. En fólk getur fundið út úr því sjálft hvar þessi ágæti pistill hans var skrifaður.

Það verður að stoppa þessa gjöreyðingu í boði stjórnlausra stjórnvalda, á grunngildum raunverulegra náttúruauðlinda Íslands til sjávar og sveita á Íslandi.

M.b.kv.

[Anna Sigríður Guðmundsdóttir, 5.1.2012 kl. 22:02]

Ég tek undir orð Hallgríms hér að ofan, um að það verði að auka þorsveiðarnar.

Háskóla-ráðgjafar eru keyptir af svikurum til að mistúlka starf HAFRÓ.

Starfsemi HAFRÓ er mikils virði, ef sú rannsóknar-starfsemi væri notuð í réttum tilgangi. Ég kynnti mér starfsemi HAFRÓ lítilsháttar, og lærði mikið á því, eftir að hafa í fávisku minni úthúðað þeirra starf, vegna vanþekkingar minnar. 

Mjög góð vinna HAFRÓ er því miður misnotuð af háskólakerfinu svikula, eins og svo margt annað á Íslandi 

M.b.kv.

[Guðlaugur Hermannsson, 6.1.2012 kl. 18:40]

Hallgrímur. Loðnuveiði var ekki í stórum stíl á þessum tíma eins og þú segir vegna þess að tækjabúnaður var lélegur. Það er alvarlegt að menn eins og þú komi fram og haldi því fram að loðnuveiðar hafi ekki áhrif á viðgang fiskstofna. Loðnan lifir allt árið ekki einn mánuð á ári. Loðnan er elt af bolfiskinum þar sem hún fer.

Það er engin skýring á því af hverju fiskistofnar hafa minnkað frá því að loðnuveiðar hófust upp úr 1970. Loðnuveiðar eru skýringin á þessu.

Hættum að éta útsæðið.

[Hallgrímur Hrafn Gíslason, 7.1.2012 kl. 07:23]

Það var veitt svipað magn af loðnu fyrir 1970 og var gert í fyrra.  Bolfiskur veiðist við Austur og Suðurlandið allt árið en loðnan kemur þar um í 1 mánuð á ári.  Loðnan sem hrygnir er afgangurinn af því sem þorskur hefur ekki étið úti fyrir Norðurlandinu á fyrstu 2-3 árum loðnunar.  Það er ekki rétt að þorskstofninn sé lítill núna,  Ég byrjaði á sjó 1986 og það hefur aldrei síðan þá verið eins mikið af þorski allt í hringum landið og auðvelt að veiða hann eins og nú.

[Hallgrímur Hrafn Gíslason, 7.1.2012 kl. 07:34]

Það sem bjargaði Barentshafinu var að Rússarnir veiddu langt fram yfir leifilegann kvóta, klæddu pokana á trollunum og hirtu mjög smáann fisk.  Norðmenn fóru líka frammúr kvóta og lönduðu framm hjá vigt.  Norðmenn hafa alltaf veitt loðnu ef þorskurinn hefur skilið eitthvað eftir af loðnustofninum umfram það lámark sem þurfti í hrygningar stofn.

Á Íslandi um 1980 mældust ekki nema 80 þúsund tonn af loðnu, loðnuveiðar voru bannaðar það árið, úr þessum 80 þúsund tonna hrygningastofni kom eitt stærsta klak sem mælst hefur og mjög stór loðnu árgangur.