Það fæst lýðræðisleg niðurstaða með þjóðaratkvæðagreiðslu um aðild að ESB.

Kröfur um að nauðsynlegt sé að hætta við umsókn um inngöngu í ESB eru ólýðræðislegar og bein valdníðsla minnihluta kjósenda. Það er oft talað um að þetta séu ekki umsóknarferill sem við erum í heldur aðlögunarferill. Staðreyndin er í raun sú að við höfum verið í aðlögunarferli síðan við gengum inn í EES 1993.

Það er ekkert að ESB í dag sem ætti að létja okkur í umsóknarferlinu. Það er ekkert að ESB sem bandalag í sjálfu sér heldur er vandamálið í einstökum aðildarríkjum vegna slæglegrar efnahagstjórnunnar þeirra sjálfra. Þetta ástand leiðir til útgjaldaaukningu fyrir þau ríki sem hafa staðið sig betur efnahagslega.

Þegar við göngum í ESB með hagstæðan samning þá mun það verða til þess að treysta okkur í sessi og gera okkur kleyft að halda sjálfstæði okkar óskertu til langs tíma. Það mun leiða til stöðugra verðlags, lægri vexti, lægra matarverð og ekki síst lægri vexti á húsnæðislánum.

Hvað varðar fiskveiðistefnuna þá verður Ísland með sjálfstæðan sjávarútveg (ótengndum þeim Evrópska) með staðbundna stofna svo sem þorsk, ýsu, karfa, ufsa og annara staðbundna bolfiskstofna. Flökkustofnar svo sem loðna, síld, kolmuni og makríll verða áfram sameiginlegir stofnar Noregs, Færeyjar og ESB. Um þessa stofna verður áfram samið um veiðikvóta hvers og eins ríkis og þar með talinn ríki ESB sem eiga veiðiréttindi á þessum stofnum. Það gæti farið svo að við fengjum meiri kvóta í þessum stofnum með inngöngu í ESB vegna veiðireynslu okkar.

Það verður líklegast engin breyting á sjávarútvegi okkar frá því sem nú er innan EES.

Ástæðan fyrir því að ESB er með sameiginlega fiskveiðistefnu er vegna þess að öll ríki innan ESB eru með sameiginlega stofna í hafsvæðinu í kring um Evrópu. Norðmenn eru líka í þessari stöðu þó þeir séu utan ESB. Þeir verða að semja við ESB um bolfiskveiðistofna í Norðursjó. ESB veiðiflotinn fær að veiða innan lögsögu Noregs vegna sameignar á stofnunum. Þetta getur ekki komið fyrir í okkar samningum við ESB vegna þeirrar staðreyndar að við erum ekki í sameignarbúskap við ESB á staðbundnum fiskistofnunum.

Allt tal um að við munum missa yfirráð yfir staðbundnum fiskistofnum yfir til ESB er eins fáránlegt og að Bretar missi yfirráð sín yfir olíulindum sínum innan lögsögu þeirra, yfir til ESB sem síðan deildi út olíukvóta til hinna ríkjanna innan ESB.

Ég skora á samninganefndina að krefjast þess að yfirráð Íslendinga á staðbundnum stofnum í kringum landið verði áfram í höndum okkar óskipt. Þetta er grundvallaratriði í samningaviðræðunum og er allt annað valdníðsla af hálfu ESB ef þeir krefjast þess í samningaviðræðunum.

Varðandi landakaup erlendra aðila þá er hægt að setja fyrirvara í lög sem heimila erlendum aðilum að fjárfesta í hýbýlisfasteignum og jörðum með búsetuskilyrði. Þetta viðgengst í Danmörk og er samþykkt af ESB.

Að lokum þá er það eitt sem stendur upp úr í þessu öllu saman að við verðum gildir þáttakendur í stjórnun á ESB regluverkinu. Við getum komið okkar málum að í samvinnu við stjórnmálaflokka annara landa og til að mynda byggt upp öflugt samstarf með norðurlöndunum. Smæð norðurlanda verður ekki hindrun með samvinnu þeirra allra í þágu svæðisins sem við búum á.

Lítil skynsemi í að taka upp stefnu ESB

Athugasemdir

[Jón Steinar Ragnarsson, 11.11.2011 kl. 23:09]

Hefði það verið lýðræðislegt eða ekki að leyfa þjóðaratkvæði um það hvort sótt yrði um yfirleytt? Þ.e. hvort vilji væri fyrir því í upphafi að leggja upp í þessa ferð?

Þeir sem telja skynsamlegt að hætta þessu ferli eru ekki að andmæla lýðræðinu, heldur er verið að benda á að allar skoðanakannanir benda til að þetta sé ekki vilji þjóðarinnar og að frekara strögl með aðlögun, sem stríðir gegn stjórnarskrá er sóun á kröftum og fé á erfiðum tímum. Einnig ber að hafa í huga að ESB er að breytast í eitthvað allt annað og meira en selt var í upphafi. Þ.e. sambandsríki. Allir leiðtogar þess viðurkenna að það sé eina leiðin og að því er nú stefnt. Forsendubresturinn er því alger.  Hnignandi ástand evrusvæðisins er einnig faktor sem enginn getur litið framhjá. Er þetta áhættunnar virði? Er lýðræðið á undanhaldi í ESB? spyr fólk sig.

Þú getur ekki litið framhjá ísköldum raunveruleikanum, annars verður að álykta að þetta séu einfaldlega trúarbrögð. Það sést raunar á grein þinni og vert að óska þér til hamingju meða að hafa komið öllum klysjunum fyrir í þessum stuttu skrifum.

Má vel vera að þú sért mannblendinn, en málefnalegur ertu ekki.

[Jón Steinar Ragnarsson, 11.11.2011 kl. 23:19]

Mér þætti svo vænt um að vita hverjir þessir "staðbundnu stofnar" eru sem þú talar um. Er það fiskur, sem syndir ekki út úr landhelginni? Hvernig á að túlka það? Svo máttu vita ef þú hefur eitthvað kynnt þér málin að við setjum engar kröfur á ESB umfram þá sáttmála sem gerðir hafa verið við aðrar þjóðir.

Það er svo rangt hjá þér að ESB fái ekki yfirráð yfir Olíu Breta. Þú verður að fylgjast betur með.

[Guðlaugur Hermannsson, 11.11.2011 kl. 23:28]

Ég hef aldrei verið á móti þjóðaratkvæðagreiðslu á nokkurn hátt. Í þessu tilfelli var það meirihlut Alþingis sem samþykkti aðildarviðræður. Þjóðaratkvæðagreiðsla hefði verið réttlætanleg. En þar sem þetta er aðeins aðildarviðræður þá tel ég ekki vera nauðsynlegt að fara fram á meira en meirihluta atkvæða á þingi. Þessar aðildarviðræður eru ekki skuldbinding fyrir þjóðina á nokkurn hátt. Það sem skiptir megin máli er að við fáum að greiða atkvæði með eða á móti aðild að ESB. Það er lýðræði og skiptir máli fyrir þjóðina. Ég tel að ef kostur er á að ganga í ESB þá fær þjóðin að taka ákvörðun um það. Samtök Atvinnulífsins hafa í dag ályktað að raunhæfast væri að ljúka umsóknarferlinu og láta reyna á það í þjóðaratkvæðagreiðslu hvort við viljum ganga í ESB eða ekki. Þetta er sigur fyrir hin frjálsa arm innan SA að ná fram sameiginlegri niðurstöðu um áframhald ESB viðræðnanna.

Þú málar skrattann á vegg með þessum fullyrðingum þínum að ESB sé að verða ólýðræðislegt og bákn sem enginn getur stjórnað. Það er ekki meirihluti innan ESB að gera það að sambandsríki svo ólík eru þessi aðildarríki.

Ég trúi á Guð skapara vors og allt það sem hann hefur skapað þar á meðal ESB. Þú getur kallað það trúarbrögð ef þér sýnist svo.

Ég er mannblendinn og líklegast málefnalegri en þú ágæti Jón Steinar Ragnarsson

[Guðlaugur Hermannsson, 11.11.2011 kl. 23:39]

Þig hlýtur að fara að skorta veggpláss til að mála skrattann. Það er með ólíkindum hvað þú ert svartsýnn á ESB. Er ekki hægt að breita neinu hjá ESB? Þú ættir að kynna þér samning Möltu er varðar fiskveiðar.

Það er allt hægt í samningum milli þjóða. Það er ekkert heilagt í þeim efnum. Það er eitt sem þú ættir að kynna þér betur en staðreyndin er sú að Samherji í Þýskalandi er stærsta útgerðafélag innan ESB. Það má með sanni segja að Íslendingar hafi farið bagdyramegin inn í ESB og hirt stórann hluta af kvóta ESB. Óttast þú að Samherji Þýskalandi komi til Íslands til að veiða fiskinn okkar? Ég ætla bara rétt að vona að svo verði ekki.

Það er eitt sem víst er að Bretar láta ekki frá sér olíuauðlindir sínar, hver svo sem krafa ESB verður. Eignaréttur þjóða til auðlinda sinna er lögvarinn og verndaður.

[Jón Steinar Ragnarsson, 11.11.2011 kl. 23:40]

Þetta er ekki umsóknarferli, heldur aðildarferli, sem krefst aðlögunnar og upptöku reglugerða og skuldbindinga fyrirfram.  Hvernig hefur þetta farið framhjá þér? Erum við ekki komin í sambandið þegar við höfum tekið upp regluverk þess og skilyrðingu þótt svo að í orði við höfnum aðild?

Hefurðu yfirleytt hugmynd um hvað þú ert að skrifa eða ertu bara að álykta svona eftir óskhyggjunni?  

[Guðlaugur Hermannsson, 11.11.2011 kl. 23:41]

PS. Malta er með sameiginlega fiskistofna við önnur ríki ESB á Miðjarðarhafssvæðinu. Þó fengu þeir sérsamning við inngöngu.

[Guðlaugur Hermannsson, 11.11.2011 kl. 23:44]

Aðildarferli er það ferli sem við höfum verið í síðan við gengum inn í EES samninginn. Við höfum innleitt fjöldan af lögum og regluverki ESB síðustu ár. ÞAÐ ER AÐILDARFERLI.

[Jón Steinar Ragnarsson, 11.11.2011 kl. 23:46]

Farðu að lesa þig til minn kæri.  Það stendur ekki steinn yfir steini í þessum trúarbrögðum þínum frekar en hinum. Ég get ekki hjálpað þér. Það er ekki hægt að ræða við trúarofstækismenn.

[Guðlaugur Hermannsson, 11.11.2011 kl. 23:54]

Þú ert rökþrota. Þú ert meiri trúarofstækismaður en ég. Það má segja um mig að ég er trúaður maður laus við allt trúarofstæki. Ég er víðsýnn maður sem hef fari að heima í meira en 3 vikur á ári.

Ég get ekki skilið ofstækið í garð ESB af þinni hálfu. Þú er ekki búinn að kynna þér nægjanlega vel allt ferlið í kringum bandalagið. Það er ekkert jákvætt um ESB í þínum skrifum. Það er ofstæki. Það er ekkert sem er alvont, ekki einu sinni ESB.

[Jóhann Elíasson, 12.11.2011 kl. 10:44]

Vegna "eðlis" innlimunarumsóknarinnar hefði átt að fara fram þjóðaratkvæðagreiðsla um innlimunarumsóknina ÁÐUR en hún var send..  Alþingi samþykkti nefnilega að send yrði "aðildarumsókn" en það samþykkti EKKI "aðlögunarferli" eins og raunin varð.........

[Guðlaugur Hermannsson, 12.11.2011 kl. 11:30]

Sæll Jóhann. "innlimunarumsóknin" var afgreidd 1993 þegar við gengum í ESS. VIð þurftum að "innlima" fjöldann allan af reglugerðum og tilskipunum frá ESB. ÞAÐ ER INNLIMUNSRFERLI.

Það er ótúlega undarlegt að svona greindir menn eins og þú, Jóhann Elíasson og Jón Steinar Ragnarsson haldi fram slíkri firru eins og þeirri að aðildarumsóknarferlið sé meiri innlimun en sjálft EES fyrirkomulagið var á sínum tíma. EES samningurinn var ekki samþykktur með þjóðaratkvæðagreiðslu heldur einföldum meirihluta Alþingis.

Það er eitt sem er mikilvægt í þessu umsóknarferli en það er að við verðum að breyta til hjá okkur í stjórnsýslunni og laga ýmislegt sem miður fer í dag. Þó svo að aðildarumsóknin verði felld í þjóðaratkvæðagreiðslu þá eru breytingarnar af hinu góða fyrir okkur.

Ég vona þín vegna að þú staldrir við og skoðir ESB aðildarumsókn okkar með jákvæðum huga og reynir að sjá kostina jafns við gallana og meta síðan út frá skynsamri niðurstöðu og greiða atkvæði í þjóðaratkvæðagreiðslunni þegar hún verður framkvæmd, því það mun ég einnig gera. Ég mun ekki kjósa með ESB aðildinni ef ég er ekki sáttur með niðurstöðu aðildarviðræðnanna. Það er því afar mikilvægt að við stöndum vörð um hagsmuni okkar í þessum viðræðum og kvikum ekki frá yfirráðarétti okkar yfir staðbundnum fiksistofnum okkar. Þess vegna vona ég að við séum með betri samningamenn í Brussel en við höfðum í ICESAVE nefndinni sem samdi af sér fyrir hundruði milljarða. Sem betur fer tókst forsetanum að sporna við þeim gjörningi með því að neita að staðfesta ICESAVE lög í tvígang.

[Jóhann Elíasson, 13.11.2011 kl. 12:33]

Hverjir eru svo "kostirnir" umfram "gallana"???????  Það er nefnilega málið að gallarnir eru MUN fleiri en kostirnir.  Þú skalt ekki reyna að snúa út úr því að nú er verið að tala um "umsóknina" sem Alþingi samþykkti að senda inn síðast og hefur EKKERT að gera með EES, en þið INNLIMUNARSINNAR eigið eitthvað erfitt með að aðgreina þetta tvennt.

[Guðlaugur Hermannsson, 13.11.2011 kl. 13:13]

Ég sagði "kosti og galla" ekki að kostirnir væru meiri en gallarnir. Þess ber að gæta að það gætu leynst kostir í göllunum ef grant er skoðað.

EES veitir aðgang að ESB svæðinu og þá hefur EES mikið að gera með ESB. EES er aukaaðild að ESB og með því að sækja um aðild að ESB þá er verið að stíga skrefið til fulls eftir aðlögunina að ESB frá árinu 1993.

Hættum þessu þvargi og látum reyna á umsóknarferlið og tökum síðan afstöðu með eða á móti.

Bjarni Benediktsson formaður hefur skipt um skoðun og er fylgjandi ákvörðun SA um að láta reyna á aðildarumsóknina og sjá hvað fæst út úr því. Þá er hægt að velja á milli í þjóðaratkvæðagreiðslu já eða nei.

Það er skýlaus krafa okkar sem viljum halda áfram aðildarumsókn og sjá hvað kemur út úr því og kjósa síðan um aðild. Við viljum ekki samþykkja það að minnihluti þjóðarinnar taki þá ákvörðun að draga til baka meirihlutaákvörðun Alþingis. Hvað yrði þá næst á dagskrá hjá minnihlutanum? Að hætta við Alþingiskosningar 2013 vegna þess að þær gætu valdið sundrung hjá þjóðinni?

Þið hafið engan skilning á hugtakinu "lýðræði". Hvernig væri að fara að lesa sig til um það og þá í eitthverju öðru riti en "kommúnistaávarpi Mao Tse-Tung.

[Jóhann Elíasson, 13.11.2011 kl. 14:06]

Hversu illa gengur mönnum að koma því inn í "skallann" á sér að það er EKKERT umsóknarferli í gangi heldur aðlögunarferli, sem Alþingi samþykkti EKKI..........

[Guðlaugur Hermannsson, 13.11.2011 kl. 14:22]

Þetta er orðaleikur hjá þér Jóhann. Aðlögunarferlið hófst 1993. Aðildarumsókn hófst 2010 með meirihluta atkvæða á þingi.

Það má setja ESB umræðuna í flokka:

Andstæðingar allra aðildar að ESB eru um 15%

Fylgjendur ESB sama hvað kemur út úr viðræðunum eru um 15%

Fylgjendur aðildarumsóknar inn í ESB með fyrirvara um ásættanlega

niðurstöðu í samningunum milli Ísland og ESB eru um 70%

[Jóhann Elíasson, 13.11.2011 kl. 14:51]

Þetta er ekki orðaleikur hjá MÉR en ÞÚ ættir að skoða það sem ÞÚ hefur fram að færa í þessu..................

[Jóhann Elíasson, 13.11.2011 kl. 14:53]

Þetta er ekki orðaleikur hjá MÉR en ÞÚ ættir að skoða það sem ÞÚ hefur fram að færa í þessu.  Ég hef ekki séð þessar prósentutölur fyrr.................

[Guðlaugur Hermannsson, 13.11.2011 kl. 14:56]

Þetta kom fram í skoðanakönnum Gallups.