Loðnuveiðar eru að ganga frá sjálfbærni fiskveiða Íslandinga dauðri.

Loðnuveiðar hafa verið stundaðar við Ísland síðan 1974 eða í nær 40 ár. Hvernig hefur gengið með bolfiskstofnanna síðan þá?

Loðnan hefur verið veidd miklu magni eða sem svarar til eina milljón tonna á ári. Það væri grunnhyggin manneskja sem héldi því fram að það hefði engin áhrif á afkomu bolfiskstofnanna. Það er nú svo komið að þorskkvótinn er aðeins fjæorðungur frá því sem hann var fyrir 1974. Við skulum ekki gleyma því að hér áður fyrr voru veidd í það minnsta 500 þúsund tonn af þorski og á þeim tíma þegar erlendir togarar voru hér við land allt upp í 4 mílur frá landi.

Ég skora á sjávarútvegsráðherra að stoppa alla loðnuveiði til framtíðar vegna ástandsins. Ég tel að við verðum að láta bolfiskstofnanna njóta vafans og hætta öllum loðnuveiðum við Ísland til frambúðar.

Það er samhengi á milli skorts á sandsíli og gengdarlausrar loðnuveiðar í 40 ár. Þorskurinn fer nær landi til að afla sér fæðu úr sandsílisstofninum. Þetta kemur niður á fuglalífinu og viðgangi þeirra.

Krían er að hætta að verpa við Ísland vegna fæðuskorts og sama er að segja um lundann.

Ég kaupi ekki neinar "vísindarannsóknir" með skilaboðum um að sandsílisskorturinn sé óleyst ráðgáta.

Stöðvum allar loðnuveiðar strax og sjáum hvað gerist í náttúrunni eftir ákveðinn tíma.

Norðmenn stöðvuðu loðnuveiðar í Barentshafinu í nokkur ár og eru þeir að uppskera afraksturs þessara ákvarðanna. Í Barentshafinu eru þeir að afla yfir 600 þúsund tonn af þorski árlega. Það er annað en hér á landi sem er aðeins 130 þúsund tonn.

Danir voru með miklar fiskveiðar í Norðursjónum hér á árum áður en nú er ekki neitt eftir til að veiða. Ástæðan fyrir því er sú að þeir veiddu yfir milljón tonn af sandsíli á ári ásamt miklu magni af síld. Þetta var rányrkja á þeirri stærðargráðu að þeir þurrkuðu út allt kvikt í Norðursjónum á árunum 1985 til 1990. Það eru fiskbræðslur í Danmörk sem gætu afkastað 3 milljón tonna á ári en eru ekki starfandi í dag.

Íslendingar! Lærum af reynslu Dana og tileinkum okkur skynsemi Norðmanna og stöðvum allar loðnuveiðar við Ísland. Það er meira verðmæti í kílói af þorsk en kílói af loðnu.

Étum ekki útsæðið.

Aukning í þorski ánægjuleg

Athugasemdir

[Kristinn Pétursson, 8.6.2011 kl. 17:08]

Þetta er ekki rétt hjá þér Guðlaugur - eins og þessi mynd  hér fyrir neðan sýnir...

 

Það sem virðist skipta miklu máli - er að það hrygni ekki of stór loðnustofn - þá virðist fást minna  magn af eins árs loðnuseiðum árið eftir...

Sterkasta nýliðun loðnu  - mikið magn af eins ár loðnuseiðum - var þarnaa árið 1982 - úr árganginum 1981 - þegar þorskstofninn næstum át upp allan loðnustofninn - og það vantaði samt enn meiri fæðu....

Ef þú vilt meira framboð loðnu - virðist rétt að reyna að minnka eftirspurn í fæðuna  - með meiri veiði þorsks... og þá hækkr líka afrakstur þorskstofnsins.

meira á www.kristinnp.blog.is ...  kv KP 

[Jón Kristjánsson, 8.6.2011 kl. 18:21]

Þorsteinn

Norðmenn stöðvuðu ekki loðnuveiðar til að bjarga þorski. Þorskurinn át upp loðnustofninn og var því sjálfhætt, sjá: http://fiski.blog.is/blog/fiski/entry/1149282/

Það er þorskurinn sem stjórnar loðnustofninum en ekki öfugt. Þú getur lesið meira um samspil loðnu við fugla og aðra fiska hér: http://www.mmedia.is/~jonkr/lodna/lodna.html

[Óskar Guðmundsson, 8.6.2011 kl. 22:55]

Furðufiskurinn frá Blönduósi virðist ekki hafa heyrt af því fréttir að Sandsíli finnst nánast ekki við Vestmannaeyjar. Það funndust aðeins 40 ,ekki þúsund eða tonn heldur STYKKI, í leitum nú.

Þetta er svo ástæða þess að fugl eins og Lundi er að hverfa úr Vestmannaeyjum.

Hver er ástæðan?

Jú, Makríll.

[Guðlaugur Hermannsson, 8.6.2011 kl. 23:32]

Jón Kristjánsson. Þakka þér fyrir stuðninginn í baráttu minni fyrir loðnuveiðibanni. Það að þorskurinn í Barentshafinu át upp alla loðnuna og að hann stýri henni þá er það staðfesting á því sem ég sagði fyrr að með því að stoppa loðnuveiðar þá eflist stofninn og við getum veitt úr honum meira og viðhaldið jafnvæginu á þann hátt. Á endanum eru það við sem stjórnum stofnstærðinni með veiði á honum frekar en veiði á næringunni sem er loðnan.

Þetta var það sem skeði á tímabilinu fyrir hefðbundnar loðnuveiðar að útlendingar voru hér við land að veiða yfir 500 þúsund tonn á ári af þorski. Það er betra að veiða þorsk en loðnu.

Ef þú rekur kjúklingabú og ert að selja fóðrið sem á að gefa fiðurfénu í stað þess að fóðra það með því og ná þar með sem mestum afurðum sem ætti frekar að selja.

[Guðlaugur Hermannsson, 8.6.2011 kl. 23:36]

Kristinn. Það er kominn nýr stofn sem við þurfum að reikna með í neyslu á heildarstofni loðnunnar. Þessi staðreynd segir okkur að við verðum að láta undan í beinni neyslu á loðnu og hætta allri loðnuveiði.