Þeim fækkar þessum ódauðlegu.

Það er undarlegt að halda því fram að fleiri dauðsföll séu nú en á undanförnum árum. Það hlýtur að ganga í bylgjum eins og margt annað í lífinu og því í heildina svipaður fjöldi á ársgrundvelli.

Ég spurði kunningja minn sem starfar í útfarargeiranum hvort ekki væri nóg að gera. Hann svaraði með jái en bætti við að þetta væri nú samt alltaf jafnt og stígandi og vonaðist til að það héldist svo áfram. Hann sagði að það væru engar jákvæðar horfur um óvænta aukningu í þessari starfsgrein.

Við verðum að vona að það verði sem minnst að gera hjá þeim í framtíðinni. það væri athugandi fyrir þá að kanna möguleika á útrás í greininni og fara í víking eins og fjármálageirinn gerði sælla minninga. Ef þeir gerðu slíkt þá er víst að þeir falli ekki í sömu gryfju og útrásarvíkingarnir nema þeir fari að jarða fleira fólk en látið er.

Jafnmargir dóu í fyrra og 2007