Er Sjálfstæðisflokkurinn að klofna?

Það er ekki laust við að klofningur sé í uppsiglingu hjá Sjálfstæðisflokknum ef mark er takandi á áhugaleysi flokksmanna. Það er ekkert framboð komið á koppinn enn, viku fyrir fund. Ég tel að skýringin sé sú að Davíð nokkur Oddsson sé að hugleiða framboð sitt í formannsstöðu flokksins. Hann þarf jú að ná flokknum sínum aftur úr höndum "skussanna" sem eru að "missa" flokkinn inn í ESB.

Það verður erfitt að manna forystu flokksins almennt eftir afhroð í síðustu tveimur kosningum (til borgarstjórnar og Alþingis). Ef svo einkennilega vildi til að Davíð næði kjöri þá yrði það banabiti flokksins að mínu mati.

Það er kominn vísir að klofningi í SJÁLFSTÆÐISFLOKKNUM þar sem ESB sinnar eru nánast úti í kuldanum og hafa stofnað hreyfingu sem kallast "Sterkara Ísland". Í þessari hreyfingu eru þungarviktarmenn/konur svo sem Þorsteinn Pálsson, Þorgerður Katrín, Ragnheiður Rikharðsdóttir, Benedikt Jóhannesson og fleiri sem áður störfuðu í flokknum en hafa nú sest í helgan stein.

Sömu sögu er að segja um Framsókn, þar er klofningur einnig í ESB stefnunni.

VG virðast einnig vera klofnir í þessu máli að hluta til það er að segja að hluti þeirra vill láta reyna á samningaviðræður við ESB og sjá hvað kemur út úr þeirri vinnu.

Ætlar ekki í varaformanninn

Athugasemdir

[Óskar Helgi Helgason (IP-tala skráð) 18.6.2010 kl. 16:11]

Sæll; Guðlaugur !

Alveg burt séð; frá ástandinu, í dauðýflaflokkunum íslenzku, að þá skal aðdáun þín, á skriffinna Nazismanum, suður í Brussel, aldrei veikjast.

Þú hefðir þótt liðtækur; hjá þeim Stalín og kommisara kerfi hans, að ekki sé talað um STASI formið, í Austur- Þýzkalandi, Ulbrichts heitins, og hans fylgjara, sýnist mér.

Með kveðjum; þó naprar séu, úr Árnesþingi /

Óskar Helgi Helgason

       

[Hrólfur Þ Hraundal, 18.6.2010 kl. 16:27]

Ef Davíð vill koma þá er það fínt, því nú þarf að þora og gera en ekki rolast eins og núverandi stjórnvöld eru svo góð í.  

[Guðlaugur Hermannsson, 18.6.2010 kl. 16:34]

Sæll Óskar! Þú ert nú meira en góðu hófi gegnir. Þakka athugasemdina.

Hrólfur: Það er ekki hagstætt fyrir Davíð að koma inn eins og málum er háttað á Íslandi í dag. Það er ekkert til að einkavæða lengur og Seðlabankinn varð gjalþrota fyrir 18 mánuðum síðan.

[Hrólfur Þ Hraundal, 18.6.2010 kl. 16:40]

Þarf þá ekki aðgerðir og þor Guðlaugur.

[Guðlaugur Hermannsson, 18.6.2010 kl. 16:45]

Þú ert frábær Hrólfur. Jú það þarf aðgerðir og þor og hæfan mannskap til að rétta úr kútnum. Davíð er ekki lausnin frekar en brennuvargur í slökkviliðsstjórastöðu.

[Hrólfur Þ Hraundal, 18.6.2010 kl. 16:48]

Kann að vera, veist þú um annan?

[Guðlaugur Hermannsson, 18.6.2010 kl. 16:53]

Hvað með mig og þig? Hefur þú klúðrað þjóðfélagi eða heilum seðlabanka? Ef ekki þá ertu kandidat í starfið. Sjáðu Jón Gnarr hann blómstrar og hefur fjöldan með sér. Hann hefur ekki klúðrað neinu svo vita sé.

[Ólafur Ingi Hrólfsson, 19.6.2010 kl. 06:34]

Skemmtilegar vangaveltur -

Talað er um klofning þegar handfylli af fólki úr XD vill í ESB - á aðalfundi mun það koma fram að flokkurinn ítreki enn eina ferðina að hann telur þjóðinni betur borgið utan ESB en innan.

Sama hversu oft andstæðingar flokksins hamra á því gagnstæða.

[Guðlaugur Hermannsson, 19.6.2010 kl. 09:11]

Íslenska þjóðin er nú varla meira en handfylli af fólki miðað við aðrar þjóðir. Ef við tækjum Icesave út úr þessari mynd þá væri meirihluti fyrir ESB.