Hér áður fyrr notuðu menn kanarífugla með góðum árangri.

Það er ekki tekin áhætta með mannslíf fyrir einn hræódýran súrefnismæli. Ég tel að útgerðin sé ekki svo veðsett að hún geti ekki tryggt líf starfsmanna sinna með nauðsynlegum tækjum. Það er undarleg afsökun að segja að súrefnismælirinn sé í viðgerð. Það þarf að taka á þessum málum af festu og sekta starfsmenn fyrirtækjanna svo um muni fyrir svona handvöm og greindarskort. Fyrir alla muni ekki sekta fyrirtækið það er gagnslaust. Sektum þá starfsmenn sem bera ábyrgð á starfseminni.

Súrefnismælir bilaður

Athugasemdir

[Robert (IP-tala skráð) 16.2.2010 kl. 08:23]

Það nægir að slaka niður logandi kerti í glerkrukku, það er nú allt sem þarf.

Verra er að þessir menn eru að veiða æti frá lífríkinu í sjónum, slíta sundur ætiskeðju nytjafiska, sem þurfa smásílin til ætis. Þarna  er rányrkja stunduð af græðgi einni saman. Allt skal upp tekið þar til ekkert fæst meira.   Það er módelið  frá LÍÚ  

[Guðlaugur Hermannsson, 16.2.2010 kl. 08:26]

Þá kæmust þeir fljótt að því ef gas væri í lestinni. Sammála þér með rányrkjuna. Étum ekki útsæðið.

[Guðmundur (IP-tala skráð) 16.2.2010 kl. 08:31]

Svo er nú hvorki dýrt né mikil fyrirhöfn að vera með blásara og barka sem dæla fersku lofti niður í lestarnar á þessum skipum þar sem líkur eru til að þetta geti gerst.

[Guðlaugur Hermannsson, 16.2.2010 kl. 08:33]

Ég er sammála þessu með loftskipti í lestinni.